რომის პაპ ფრანცისკეს განცხადებით, ევროკავშირმა შესაძლოა არსებობა შეიწყვიტოს იმის გამო, რომ მომავლის ახალი ხედვა არ გააჩნია, რომელიც სოლიდარობის პრინციპებს უნდა ეფუძნებოდეს, - ამის შესახებ The Independent იუწყება. აღნიშნული განცხადება პაპმა რომში,  ევროკავშირის სამიტზე გააკეთა, რომელიც დაფუძნების მე-60 წლისთავს ეძღვნება.  

როგორც ფრანცისკემ აღნიშნა, ეკონომიკური და მიგრაციული პრობლემები ევროკავშირში, ასევე პოპულიზმის ზრდა, გადაულახავი არ არის, თუმცა ისინი ფატალური აღმოჩნდება, თუკი ევროპა მათ არ უმკურნალებს.    

"როდესაც სხეული კარგავს მიმართულების გრძნობას და წინ ვეღარ იყურება, ის რეგრესს განიცდის და საბოლოო ჯამში, შეიძლება მოკვდეს", - თქვა პონტიფიკოსმა.

პაპმა დასძინა, რომ 6 ქვეყანამ, რომელმაც 1957 წელს დააფუძნა ევროკავშირი, მეორე მსოფლიო ომის შემდეგ მომავლის იმედის დემონსტრირება მოახდინა. 

"ევროპული სიცოცხლისუნარიანობის პირველი ელემენტი სოლიდარობა უნდა გახდეს", - განმარტა რომის პაპმა.

ამასთან, პანტიფიკოსმა ტერორიზმსა და ლტოლვილებზეც ისაუბრა და აღნიშნა, რომ ამ საკითხებშ მსოფლიო უნდა გაერთიანდეს და არ ჩაიკეტოს. 

ცნობისთვის, 25 მარტს, რომში საზეიმოდ აღინიშნება რომის ხელშეკრულების მე-60 წლისთავისადმი მიძღვნილი იუბილე. დოკუმენტი, რომელსაც 1957 წელს ხელი გერმანიამ, საფრანგეთმა, იტალიამ, ბელგიამ, ნიდერლანდებმა და ლუქსემბურგმა მოაწერეს, ევროპული ეკონომიკური კავშირის შექმნის საფუძველი გახდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა