უნგრეთის საგარეო საქმეთა მინისტრ პიტერ სიიარტოს განცხადებით, ორმხრივი ურთიერთობების პირობებში უნგრეთის ბანკმა 85 მილიონი ევრო უნგრეთ-საქართველოს ბიზნეს ურთიერთობისთვის ექსკლუზიურად გამოყო.

როგორც მინისტრმა დღეს გამართულ პრესკონფერენციაზე აღნიშნა, მიხეილ ჯანელიძესთან ერთობლივ შეხვედრაზე ეკონომიკურ და სავაჭრო ურთიერთობების მეტად გაღრმავებაზე იმსჯელეს.

"დღეს ჩვენ შევთანხმდით ეკონომიკური და სავაჭრო ურთიერთობების უფრო მეტად გაღრმავებაზე. აღსანიშნავია, რომ ორმხრივი ურთიერთობების პირობებში უნგრეთის ბანკმა 85 მილიონი ევრო ექსკლუზიურად უნგრეთ-საქართველოს ბიზნეს ურთიერთობისთვის გამოყო.

ჩვენ ვთანამშრომლობთ აგროკულტურის, ინფრასტრუქტურის, განათლებისა და სხვა მნიშვნელოვან მიმართულებებში. ქართველ სტუდენტებს აქვთ შესაძლებლობა ისარგებლონ საგანმანათლებლო გრანტებით ჩვენს ქვეყანაში. აქვე მინდა აღვნიშნო, რომ ჩვენ მხარს ვუჭერთ თქვენს მისწრაფებებს, მათ შორის მოხარულები ვართ ვიზალიბერალიზაციის გზაზე მიღწეული წარმატებით. ჩვენ ვემხრობით საქართველოს ნატო-სთან მიახლოებასაც და ეს არაერთხელ აგვიღნიშნავს", - აღნიშნა პიტერ სიიარტომ.

პიტერ სიიარტო საქართვლოში ორდღიანი ვიზიტით იმყოფება. უნგრეთის საგარეო უწყების ხელმძღვანელი შეხვედრებს გამართავს საქართველოს პრეზიდენტთან; პარლამენტის თავმჯდომარესთან, , ენერგეტიკის და ინფრასტუქტურისა და რეგიონული განვითარების მინისტრებთან.

ცნობისთვის, ცოტა ხნის წინ ხელი მოეწერა შეთანხმებას, რომლის საფუძველზეც 13 ივნისს დაზარალებულ მოსახლეობას უნგრეთის მთავრობა 32 000 ევროს გამოუყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს