საქართველოში გერმანიის ელჩის ჰაიკე რენატე პაიჩის განცხადებით, საქართველოს მოსახლეობისთვის უვიზო მიმოსვლა შენგენის წევრ ქვეყნებში მოგზაურობას გაამარტივებს და ეს არის ევროინტეგრაციის გზაზე წინგადადგმული ნაბიჯი.

როგორც გერმანის ელჩმა პრესკომფერენციაზე სიტყვით გამოსვლისას აღნიშნა, უვიზო მიმოსვლა პირველ რიგში, რეფორმების წარმატებულ განვითარებას გულისხმობს.

"ჩემთვის, როგორც გერმანიის ელჩისთვის ძალიან დიდი პატივია, მივულოცო საქართველოს მოქალაქეებს ეს შესანიშნავი წარმატება. უვიზო მიმოსვლა  ნიშნავს რეფორმების წარმატებულად განვითარებას და საქართელოს ევროკავშირთან კიდევ უფრო დაახლოებას. როგორც კი მიმოსვლა ძალაში შევა, საქართველოს მოქალაქეებს შენგენის ქვეყნებში 90 დღის ვადით შესვლა შეეძლებათ", - განაცხადა პაიჩიმ.

მან ასევე დამატებითი განმარტებებები გააკეთა:

"იმ მოქალაქეებს, რომლებიც გეგმავენ, რომ შენგენის წევრ ქვეყნებში იმუშაონ, სამუშაო ნებართვა დასჭირდებათ. საერთო ჯამში, ეს არის წინგადადგმული ნაბიჯი. გილოცავთ დღევანდელ წარმატებას და გისურვებთ სასიამოვნო მოგზაურობას", - განაცხადა გერმანიის ელჩმა ევროკავშირში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს