საპარლამენტო უმრავლესობის წევრმა გუგული მაღრაძემ „თამბაქოს კონტროლის შესახებ“ კანონში ცვლილებები მოამზადა. ცვლილებების გათვალისწინებით, დახურულ შენობებში, საზოგადოებრივი თავშეყრის ადგილებში, საზოგადოებრივ ტრანსპორტსა და სტადიონებზე შესაძლოა, თამბაქოს მოწევა აიკრძალოს.

ცვლილებების პროექტზე დღეს, პარლამენტის ჯანდაცვის კომიტეტი იმსჯელებს. 

როგორც კანონპროექტის განმარტებით ბარათშია ნათქვამი, ცვლილებების მიღების შემთხვევაში, თამბაქოს მოწევა სრულად აიკრძალება ნებისმიერ შენობა-ნაგებობაში, გარდა კერძო საცხოვრებელი სახლებისა, თამბაქოს კვამლის შემსწავლელი სპეციალიზირებული ლაბორატორიული დანადგარებისა, ასევე პატიმრობისა და თავისუფლების აღკვეთის დაწესებულებებისა. 

ამასთან, დამტკიცების შემთხვევაში მოწევა აიკრძალება ასევე, საზოგადოებრივ ტრანსპორტის ყველა სახეობაში. მათ შორის, სააღმზრდელო, საგანმანათლებლო და საგანმანათლებლო სააღმზრდელო, ნებისმიერი სხვა სასწავლო დაწესებულების, ასევე ბიბლიოთეკების, მოსწავლე ახალგაზრდობის ბანაკების, ბავშვთა გასართობი ცენტრების და 18 წლამდე პირებისთვის განკუთვნილი სხვა დაწესებულებების როგორც შენობა-ნაგებობებში, ისე მათ ტერიტორიაზე, აგრეთვე 18 წლამდე პირებისთვის განკუთვნილ საზოგადოებრივ შეკრებებზე და სტადიონებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა

პოლონეთი უკრაინას რუსეთის მხრიდან შესაძლო ცრუ დროშის ოპერაციაზე აფრთხილებს

ტრამპი: ირანის ხიდებსა და ელექტროსადგურებს დავარტყამთ, თუ მოლაპარაკებებს არ განაახლებენ

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია