2017-02-20 18:09:18, 1622 ნახვა
საზოგადოება
პატრიარქი საქართველოში დაბრუნდა
სრულიად საქართველოს კათოლიკოს პატრიარქი, უწმინდესი და უნეტარესი ილია მეორე სამშობლოში დაბრუნდა.
პატრიარქი ბერლინიდან ჩარტერული რეისით თანხმლებ პირებთან ერთად ჩამოფრინდა.
ილია მეორეს თბილისის საერთაშორისო აეროპორტში სასულიერო პირები, მრევლი და საზოგადოების წარმომადგენლები დახვდნენ.
შეგახსენებთ, რომ პატრიარქი გერმანიაში სამკურნალოდ 2 თებერვალს გაემგზავრა.
13 თებერვალს ილია მეორეს ლაპარასკოპიული მეთოდით ნაღვლის ბუშტის ოპერაცია ჩაუტარდა.
პატრიარქის ექიმის ინფორმაციით, ილია მეორე თავს კარგად გრძნობს და რეაბილიტაციას საქართველოში გააგრძელებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
