„ევროპული საქართველო“  ხელისუფლებას ფარულ მოსმენებთან დაკავშირებით,  ალტერნატიულ წინადადებას სთავაზობს. კერძოდ, პარტიის წევრის, ირაკლი აბესაძის განცხადებით, იმისათვის, რომ უკანონო მოსმენები მინიმუმამდე იყოს დაყვანილი,   უნდა  შეიქმნას რეალურად დამოუკიდებელი ტექნიკური სააგენტო, რომელიც მოსმენებს განახორციელებს.

„მასზე ძლიერი საპარლამენტო კონტროლი იყოს და რაც მთავარია, იყოს მოსმენების ე.წ. 2 გასაღები. ეს არის ის გარანტიები, რომლებიც უზრუნველყოფს შესაბამისი გარანტიების არსებობას უკანონო მოსმენების მინიმუმამდე დაყვანისთვის და რომელიც რაც მთავარია, იქნება საკონსტიტუციო სასამართლოსთან და კონსტიტუციასთან შესაბამისი.

აღნიშნული გადაწყვეტილების და შეთავაზების გაუზიარებლობის შემთხვევაში, კვლავ ვიღებთ არსებითად ანტიკონსტიტუციურ მოდელს, რომლის ფარგლებშიც უკანონო მოსმენების ძალიან ფართო შესაძლებლობა ექნება სუს-ს.

ერთ შემთხვევაში ეს არის სასამართლო, როდესაც კონტრდაზვერვითი საქმიანობის ფარგლებში ხორციელდება ფარული მიყურადება, მეორე შემთხვევაში როცა სისხლის სამართლის საპროცესო კოდექსის მიზნებისთვის ხორციელდება , ექნება პერსონალურ მონაცემთა დაცვის ინსპექტორს. ამ შემთხვევაში ჩვენ ერთის მხრივ გაზიარებული გვაქვს პრინციპები არასამთვრობო ორგანიზაციების, თუმცა ჩვენი შეთავაზება მათი შეთავაზების მთლიანად კოპირება არ არის. ამ შემთხვევაში ეს არის შუალედური ვარიანტი",-აღნიშნა აბესაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FIFA-მ შესაძლოა, IOC-ის გადაწყვეტილების შემდეგ, რუსეთის გუნდების აკრძალვა მოხსნას

ზიდანი დაბრუნდა! მსოფლიო ფეხბურთის ლეგენდამ საფრანგეთის ეროვნული ნაკრები ჩაიბარა.

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა