ძნელი დასაჯერებელია, ალბათ, ყველასათვის, რომ სასულიერო პირი ფიქრობდეს მისი უწმინდესობის ლიკვიდაციას, - ამის შესახებ საქართველოს კათოლიკოს-პატრიარქის მდივანმა, მამა მიქაელ ბოტკოველმა, მამა გიორგი მამალაძის საქმესთან დაკავშირებით საუბრისას გადაცემა "არჩევანში" განაცხადა.

მისი თქმით, მას საგამოძიებო სტრუქტურებთან პირადი კონტაქტი არ ჰქონია. ის საგამოძიებო უწყებებს საპატრიარქოსთვის მეტი ინფორმაციის მიწვდისკენ მოუწოდებს.

მამა მიქაელ ბოტკოველი აცხადებს, რომ კათოლიკოს პატრიარქთან კომუნიკაცია არ ჰქონია და მხოლოდ მის გარემოცვასთან ჰქონდა კავშირი. მისი განცხადებით, ასევე ვერ წარმოუდგენია, რომ რომელიმე სასულიერო პირი პატრიარქის წინააღმდეგ მსგავს ქმედებას მოიმოქმედებდა.

"პირადი კონტაქტი მე არ მქონია საგამოძიებო სტრუქტურებთან. ასე რომ, მხოლოდ ვფლობთ იმ ინფორმაციას, რომელიც პროკურატურამ გაასაჯაროვა. რა თქმა უნდა, გვაქვს სურვილი და თხოვნა, რომ, თუ არის ამის საშუალება და საგამოძიებო მოქმედებები იძლევა ამის უფლებას, იქნებ, ცოტა უფრო მეტი ინფრომაცია მივიღოთ, რადგანაც საზოგადეოება არის ძალიან გაკვირვებული და მათი ინტერესი აბსოლუტურად ლეგიტიმურია,“ - განაცხადა მამა მიქაელ ბოტკოველმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს