„დარწმუნებული ვარ, რომ სისტემა, რომელსაც ჩვენ ერთად მივიღებთ  კონტროლის თვალსაზრისით იქნება კიდევ უფრო ძლიერი და უფრო გავაძლიერებთ ამ კონტროლს“,-ამის შესახებ იურიდიულ საკითხთა კომიტეტის თავმჯდომარემ ეკა ბესელიამ პარლამენტის პლენარულ სხდომაზე განაცხადა. 

როგორც ბესელიამ აღნიშნა, „მოსმენებთან“  დაკავშირებული კანონპროექტი იმ ვადაში იქნება მიღებული, რა ვადაც მას აქვს. 

„თუ თქვენ ფიქრობთ რომ დროის ხელოვნური გაჭიანურებით ის განწყობა ან ის მოტივაცია, რამით შევაფერხოთ ამ კანონის დროულად მიღება და ამოქმედება ჯერ ეს ერთი არ გამოვა. იმიტომ რომ ჩვენ მივიღებთ ამას  იმ ვადაში, რა ვადაშიც უნდა მივიღოთ.  არ არის ამ საკითხისადმი სერიოზული და პასუხისმგებლობის მატარებელი  დამოკიდებულება. 
იმიტომ რომ ეს არის ძალიან სერიოზული  საკითხი. 

 ძალიან ვისურვებდი, როდესაც ჩვენ გავაგრძელებთ პირველი მოსმენით ამ თემებზე საუბარს  შემდეგ კვირას, მაინც მივიღებთ იმ ცვლილებებს, რომელიც აუცილებელია ამ ბალანსის დასაცავად ადამიანის პირად ცხოვრებასა და ქვეყნის უსაფრთხოებას შორის. 

მე დარწმუნებული ვარ, რომ სისტემა, რომელსაც ჩვენ ერთად მივიღებთ  და კონტროლის თვალსაზრისით იქნება კიდევ უფრო ძლიერი და უფრო გავაძლიერებთ ამ კონტროლს. ეს სისტემა მოემსახურება ჩვენი ქვეყნის მოქალაქეების უფლებების დაცვას და ქვეყნის უსაფრთხოების ინტერესების დაცვას. ეს არის ამოცანა, რა ამოცანითაც ჩვენ ვხელმძღვანელობდით როდესაც ამ პაკეტზე ვმუშაობდით. 

როგორც არ უნდა შეუშალოთ ხელი ამ პროცესს, როგორი იერიშიც არ უნდა მიიტანოთ თქვენ სახელმწიფო ინსტიტუტებზე, ჩვენ პირველ რიგში გამოვხატავთ მზაობას, რომ ეს ინსტიტუტები იყოს ძლიერი იმისთვის რომ ემსახურებოდეს ჩვენი მოქალაქეების უფლებების დაცვას და ჩვენი ქვეყნის უსაფრთხოების  დაცვას“,-განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა

ქვრივიშვილი ჩინეთთან საქართველოს მჭიდრო სავაჭრო ურთიერთობებს ადიდებს

ქუთაისში, ჭავჭავაძის გამზირზე სავაჭრო ჯიხურები დაიწვა