ინაშვილი: მომავალ სხდომაზე მოვიტან პლაკატს "გასამართლდნენ "ნაციონალური მოძრაობის" დამნაშავე ლიდერები"

2017-02-10 19:51:34, 1532 ნახვა

პოლიტიკა

პარლამენტის ვიცე-სპიკერი ირმა ინაშვილი, "ნაციონალურ მოაძრაობასა" და "ევროპულ საქართველოს" აკრიტიკებს და მედიაზე ზეწოლაში ადანაშაულებს.

როგორც ინაშვილმა აღნიშნა, მედია დღეს გაცილებით თავუსუფალია, ვიდრე ეს წინა ხელისუფლების დროს იყო.

"მოსმენების პრაქტიკი "ნაციონალურმა მოძრაობამ", ორივე ფრთამ დაამკვიდრა, ხაზს ვუსვამ ამას, შეხმატკბილებულები ხართ დღეს, უნისონში ერთნაირ განცხადებებს აკეთებთ. ძალიან გიხდებათ ეს ლოზუნგი - "არა მედიაზე შტურმს", კარგად მიიკარით წინა იარუსზე, იმიტომ, რომ სწორედ თქვენ უნდა შეგახსენოთ თქვენ - არა მედიაზე შტურმს, რადგან თქვენ აკეთებდით ამას. 40-ზე მეტი ტელეარხი წაართვით. მე ვარ პირადად ის ადამიანი, რომელსაც ერთ-ერთი ტელევიზია წაართვით. ჩემი ცხოვრების 10 წელი დავხარჯე იმაზე, რომ ტელევიზია დაგვებრუნებინა. თქვენი დაცვა არ სჭირდება ქართულ ჟურნალისტიკას. ამ დარბაზში არის ხალხი ვინც მას ღირსეულად დაიცავს. მოდით, ამ ხელისუფლებაზე, ბევრი რამე კი არის სათქმელი, მაგრამ როგორც ჟურნალისტი იმას ვიტყვი, რომ დღეს გაცილებით თავისუფალია მედია სივრცე, ვიდრე იყო თქვენ დროს. ნიკა გვარამია დაიცავით ამ დარბაზის გარეთ. ერთი ინიციატივა მაქვს, კარგი იდეა მომაწოდეთ სხვათაშორის. კონსტრუქციულად შეაფასეთ, თავმჯდომოარის პოზიცია. მინდა გითხრათ, რომ პარლამენტის თავმჯდომარეს ძალიან კარგად მიჰყავს სხდომები და ვაფასებ ამას, მაგრამ მომავალ სხდომაზე მე მოვიტან პლაკატს და პირდაპირ მიგიკრავთ წინ. ამ პლაკატზე ეწერება - გასამართლდნენ "ნაციონალური მოძრაობის" დამნაშავე ლიდერები და მოთმინებით აიტანეთ ეს. არც ეს იქნება რეგლამენტის დარღვევა", - განაცხადა ინაშვილმა.