„რა ინტერესმა გააერთიანა უმცირესობა და უმრავლესობა პარლამენტში კანონის ჩემს მიერ წარმოდგენილი ვერსიის ჩასაგდებად“, –ამის შესახებ საქართველოს პრეზიდენტმა გიორგი მარგველაშვილმა „ ფარული მიყურადების შესახებ კანონთან“ დაკავშირებით პარლამენტი განაცხადა, სადაც ის ყოველწლიური მოხსენებით წასრდგა.
მისივე თქმით, გასულ წლებში მოსახლეობამ ფარული მოსმენების საფუძველზე დევნის მწვავე შედეგები მიიღო.
შესაბამისად, მარგველაშვილის შეფასებით, ე.წ. გასაღებთან დაკავშირებული კანონპროექტი, რომელიც დღეს ძალაში შევიდა,  საზოგადოების ნდობას არ იმსახურებს.
„განსაკუთრებით მრავლისმეტყველია ე.წ. ,,ფარული მიყურადების შესახებ კანონთა“ გარშემო განვითარებული მოვლენები. სწორედ ამ საკითხზე მე პირველად გამოვიყენე ვეტოს უფლება. გასულ წლებში ფარული მოსმენებისა და მის საფუძველზე დევნის მწვავე შედეგები მოსახლეობის დიდმა ნაწილმა საკუთარ თავზე იწვნია. არავის სურს მსგავსი ვითარების თუნდაც ერთი დღით გაგრძელება. მაშ, რა ინტერესმა გააერთიანა უმცირესობა და უმრავლესობა პარლამენტში კანონის ჩემს მიერ წარმოდგენილი ვერსიის ჩასაგდებად და შესაბამისად ისეთი კანონის მისაღებად, რომელიც დღეისთვისაც არ იმსახურებს არც საზოგადოების ნდობას და თან არ შეესაბამება საერთაშორისო სტანდარტებს“, – აღნიშნა მარგველაშვილმა.
ცნობისთვის, დღეიდან ფარულ  მოსმენებთან დაკავშირებით ორდონიანი სისტემა შემოდის.
ე.წ „გასაღებთან“ დაკავშირებით კანონპროექტი  დღეიდან ძალაში შევიდა. პროექტის  თანახმად ე.წ. ერთი გასაღები შსს–ში რჩება, მეორე კი პერსონალურ მონაცემთა დაცვის ინსპექტორს გადაეცემა.
ცნობისთვის, ე.წ. გასაღებთან დაკავშირებით ორი კანონპროექტი იყო წარმოდგენილი.
აქედან ერთის ინიციატორი პარლამენტის „იურიდიულ საკითხთა კომიტეტის“ თავჯდომარე ვახტანგ ხმალაძე იყო. მის მიერ წარმოდგენილი კანონპროექტის თანახმად ე.წ გასაღები საქართველოს კომუნიკაციების მარეგულირებელ კომისიას უნდა ჰქონოდა.
უკვე ძალაში მყოფი კანონპროექტის ავტორები „ადამიანის უფლებათა დაცვის კომიტეტის“ თავჯდომარე ეკა ბესელია და საპარლამენტო უმრავლესობის წევრები გედევან ფოფხაძე, ირაკლი სესიაშვილი არიან.
პარლამენტმა ბესელია–ფოფხაძე–სესიაშვილის კანონპროექტს 73 ხმით 30 ის წინააღმდეგ დაუჭირა მხარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ