დიდი ბრიტანეთის უზენაესმა სასამართლომ დაადგინა, რომ მთავრობას ქვეყნის ევროკავშირიდან გამოსვლის პროცედურის დასაწყებად პარლამენტის თანხმობა სჭირდება, - ამის შესახებ Independent -ი იუწყება.

მედია საშუალების ინფორმაციით, ტერეზა მეი სასამართლოს მხრიდან მსგავს ვერდიქტს ელოდებოდა, განსაკუთრებით კი, მას შემდეგ, რაც Brexit-ის პროცესის დაწყება ცალმხრივად და დაჩქარებულად სურდა.

გასულ წელს ჩატარებული რეფერენდუმის თანახმად, მთავრობას Brexit-ის პროცედურები 2017 წლის 31 მარტამდე უნდა დაეწყო. ამასთან, პოლიტიკოსთა ნაწილი ამბობდა, რომ ამის გაკეთება პარლამენტის ნებართვის გარეშე უკანონო იქნებოდა.

უზენაესი სასამართლოს 8 მოსამართლემ გადაწყვიტა, რომ მთავრობას არ აქვს უფლება, ლისაბონის შეთანხმების 50–ე მუხლი აამოქმედოს, რაც ევროკავშირიდან გასვლის პროცედურების დაწყებას გულისხმობს. აღსანიშნავია, რომ სასამართლოს მხოლოდ 3 მოსამართლე ამ გადაწყვეტილების წინააღმდეგი იყო. 

პარლამენტის თანხმობის შემთხვევაში, დაიწყება ბრიტანეთის ევროკავშირიდან გამოსვლის პროცესი, რომელიც 2 წლის განმავლობაში გაგრძელდება.

როგორც გამოცემა წერს, ბრიტანეთის მთავრობა აღნიშნულ საკითხთან დაკავშირებით განცხადებას დღის განმავლობაში გააკეთებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა