2017-01-10 09:00:43, 2640 ნახვა
ეკონომიკა საზოგადოება
კახი კალაძე დღეს „გაზპრომ-ექსპორტის” ხელმძღვანელობას შეხვდება
საქართველოს ენერგეტიკის მინისტრი, ვიცე-პრემიერი კახი კალაძე დღეს ქალაქ მინკსში, სამუშაო ვიზიტის ფარგლებში,„გაზპრომ-ექსპორტის“ ხელმძღვანელობას შეხვდება, - ამის შესახებ "ექსპრესნიუსს" უწყებიდან აცნობეს.
უწყების ცნობით, კომპანია „გაზპრომ-ექსპორტთან" მორიგი სამუშაო შეხვედრა რუსეთიდან სომხეთის მიმართულებით ბუნებრივი აირის ტრანზიტის საკითხთან დაკავშირებით გაიმართება.
ცნობისთვის, სომხეთში გაზის ტრანზიტის სანაცვლოდ, ქართული მხარე კომპანიისგან გატარებული ბუნებრივი აირის მთლიანი მოცულობის 10%-ს იღებს. შესაბამისი ხელშეკრულება ერთწლიანია და მის განახლებასთან დაკავშირებით მოლაპარაკებები მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
