კობახიძე: მედიაპლურალიზმი ჩვენი ერთ-ერთი მნიშვნელოვანი მიღწევაა და ამას განსაკუთრებულად ვუფრთხილდებით

2016-12-29 19:56:32, 1434 ნახვა

პოლიტიკა

მედიაპლურალიზმი "ქართული ოცნების"ერთ-ერთი მნიშვნელოვანი მიღწევა და ამ მიღწევას განსაკუთრებულად ვუფრთხილდებით, - ამის შესახებ პარლამენტის თავმჯდომარემ ირაკლი კობახიძემ ჟურნალისტებთან საუბრისას განაცხადა.

როგორც ირაკლი კობახიძემ აღნიშნა, ხელისუფლება "რუსთავი 2"-ის შემთხვევაში ვერ ჩაერევა სასამართლო გადაწყვეტილებაში, თუმცა, აღნიშნულ პროცესს თვალყურს ადევნებს, რათა მედიაპლურალიზმი დაცული იყოს.

"ჩვენ ვერ ჩავერევით სასამართლოს საქმიანობაში, ჩვენ თვალყურს ვადევნებთ ყველაფერს და ჩვენი ვადლებულებაა, ქვეყანაში უზრუნველყოფილი იყოს მედია პლურალიზმი. ამ კუთხით ფუნდამენტური ცვლილებაა 2012 წლის შემდეგ. მედიაპლურალიზმი არის სწორედ "ქართული ოცნების"ერთ-ერთი მნიშვნელოვანი მიღწევა და ამ მიღწევას განსაკუთრებულად ვუფრთხილდებით,“-განაცხადა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან