გერმანიაში, 19 დეკემბერს ბერლინის საშობაო ბაზრობაზე განხორციელებულ თავდასხმასთან კავშირში ეჭვმიტანილი 40-წლის ტუნისელი დააკავეს.

გერმანიის პროკურატურის ინფორმაციით, დაკავებულს კავშირი ჰქონდა 24 წლის ტუნისელ ანის ამრისთან, რომელიც თავდასხმის შემსრულებლად მიიჩნევა. ანის ამრი იტალიის პოლიციამ გასულ კვირას მილანში მოკლა.

19 დეკემბერს სატვირთო მანქანა ბერლინის საშობაო ბაზრობაზე შევარდა, რასაც 19 ადამიანი ემსხვერპლა, 49-მა კი სხვადასხვა სიმძიმის დაზიანებები მიიღო. თავდასხმაზე პასუხისმგებლობა საკუთარ თავზე დაჯგუფება “ისლამურმა სახელმწიფომ” აიღო.

24 დეკემბერს ტუნისის უსაფრთხოების ძალებმა ანის ამრის ბიძაშვილი და კიდევ ორი ეჭვმიტანილი დააკავეს.

შეგახსენებთ, ბერლინის ცენტრში, 60 კილომეტრის სიჩქარით მოძრავი სატვირთო მანქანა საშობაო ბაზრობის ტერიტორიაზე შევარდა. დაიღუპა 12 ადამიანი. 48 კი დაშავდა. მომხდარს ტერაქტის კვალიფიკაცია მიენიჭა. საშობაო ბაზრობაზე თავდასხმაზე პასუხსიმგებლობა ტერორისტულმა დაჯგუფებამ “ისლამურმა სახელმწიფომ” აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა