2016-12-20 13:55:05, 2655 ნახვა
მსოფლიო
რუსეთის საგარეო უწყების ერთ-ერთი დეპარტამენტის ხელმძღვანელი გარდაცვლილი იპოვეს
მოსკოვში რუსეთის საგარეო საქმეთა სამინისტროს ლათინური ამერიკის დეპარტამენტის ხელმძღვანელი პეტრ პოლშიკოვი გარდაცვლილი იპოვეს, - ამის შესახებ REN TV იუწყება.
როგორც მედია საშუალება იტყობინება, ცხედარი ერთ-ერთი ბინაში იპოვეს.
არსებული ინფორმაციით, ის ცეცხლსასროლი იარაღიდანაა მოკლული. სამართალდამცველების თქმით, ბინაში ტყვიის ორი მასრა და პისტოლეტი აღმოაჩინეს. ადგილზე გარდაცვლილის მეუღლე იმყოფებოდა. გამოძიება მომხდარის ორ ვერსიას - მკვლელობას და თვითმკვლელობას განიხილავს.
ცნობისთვის, რუსეთის საგარეო საქმეთა სამინისტროს აღნიშნული ინფორმაცია ჯერ არ დაუდასტურებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
