„ნაციონალური მოძრაობის“ წევრმა ელენე ხოშტარიამ პარლამენტის პლენარულ სხდომაზე  ოპონენტებს და თანაგუნდელებს ვიზალიბერალიზაციის შესახებ მიღებული  გადაწყვეტილება ულოცა.

როგორც ხოშტარიამ აღნიშნა, ვიზალიბერალიზაციის შესახებ მიღებულ გადაწყვეტილებას ქართული საზოგადოება ნამდვილად იმსახურებს.

"ვიზალიბერალიზაციის შესახებ მიღებული გადაწყვეტილება, ნამდვილად მნიშვნელოვანია ჩვენი ქვეყნისთვის, ამას ქართული საზოგადოება იმსახურებს მთელი წლების განმავლობაში ერთგულების გამო, რაც მან ზოგადად ევროპული ფასეულობებისადმი გამოხატა. ეს არის ისტორიული გადაწყვეტილება, მე მინდა მივულოცო ჩვენ ოპონენტებს და მინდა მივულოცო ჩემი გუნდის წევრებს, რომლებმაც ამაზე ძალიან ბევრი იმუშავეს. ასევე იმ ადამიანებს, რომელთა სახელებიც ჩვენ შეიძლება არ ვიცით, მაგრამ შეიტანეს ძალიან დიდი წვლილი ამ პროცესში.

ეს არ არის ბოლო გაჩერება, ეს არის ნაბიჯი იმისათვის, რომ ჩვენ გავხდეთ მართლაც სრულუფლებიანი წევრი ევროკავშირის და მას შეუძლია კონკრეტული სიკეთე მოუტანოს ჩვენ მოქალაქეებს განსხვავებით ბევრი სხვა მეზობელი ქვეყნისგან, რომელსაც მუქარის და პრობლემის გარდა არაფერი მოუტანია ჩვენი ქვეყნისთვის“,-განაცხადა ხოშტარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას