საქართველოს შეიარაღებული ძალების V ქვეითი ბრიგადის სამხედრო მოსამსახურეებმა სისხლის გადასხმის საქველმოქმედო აქციაში მიიღეს მონაწილეობა. სამხედრო ქვედანაყოფის ლაზარეთში სისხლის უანგარო დონაციის აქციას თავდაცვის მინისტრის მოადგილე ზაალ კაპანაძე, გიორგი აბრამიშვილის სახელობის სამხედრო ჰოსპიტალისა და პროფესორ გიორგი ინგოროყვას სახელობის საუნივერსიტეტო კლინიკის წარმომადგენლები დაესწრნენ.

ჯარისკაცების მიერ გაღებული სისხლის რეზერვი ინგოროყვას კლინიკაში ახლადგახსნილ ძვლის ტვინის ტრანსპლანტაციისა და ონკოჰემატოლოგიის დეპარტამენტს გადაეცემა.

საქველმოქმედო აქციაში მონაწილეობა ნებაყოფლობითი იყო და სამედიცინო წესების სრული დაცვით წარიმართა. აქცია საქართველოს თავდაცვის სამინისტროსა და ინგოროყვას კლინიკის ერთობლივი პროექტია. მსგავსი სახის საქველმოქმედო აქციებში საქართველოს შეიარაღებული ძალების სხვადასხვა ქვედანაყოფი პერიოდულად მონაწილეობს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს