ერაყის ქალაქ ალ-ქაიმზე ავიადარტყმის შედეგად 60-ზე მეტი ადამიანი დაიღუპა, - ამის შესახებ BBC იუწყება.

როგორც მედია საშუალება იტყობინება, ბაღდადიდან ჩრდილო-დასავლეთით, 300 კილომეტრში, სირიის საზღვართან მდებარე ქალაქ ალ-ქაიმს “ისლამური სახელმწიფო” აკონტროლებს.

თვითმხილველების თქმით, საჰაერო დარტყმები ქალაქის ცენტრზე განხორციელდა. ჯერჯერობით დაუზუსტებელია, ვის ეკუთვნოდა თვითმფრინავები, თუმცა სავარაუდოდ დარტყმები ერაყის ძალებმა განახორციელეს.

ავიადარტყმის შედეგად დაზიანდა მეჩეთი, რომელსაც ისლამისტები შტაბად იყენებდნენ, ასევე დაინგრა რამდენიმე საცხოვრებელი სახლი.

არსებული ინფორმაციით, დაღუპულთა შორის 19 ბავშვი და 12 ქალია.

“ისლამურ სახელმწიფოსთან” დაკავშირებული სააგენტო Amaq-ის ცნობით, ავადარტყმებს 120 ადამიანი ემსხვერპლა. სააგენტომ კადრები გაავრცელა, სადაც დაზიანებული შენობები, დამწვარი მანქანები და ბავშვები ცხედრები ჩანს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით