„ვიზალიბერალიზაციის სამოქმედო გეგმის  ფარგლებში შრომის პირობების მონიტორინგის ნაწილი ჩვენ შევასრულეთ“, – ამის შესახებ ეკონომიკისა და მდგრადი განვიითარების მინისტრობის კანდიდატმა, გიორგი გახარიამ პარლამენტის სხდომაზე შრომითი  პირობების რეგულაციის შესახებ დასმული კითხვის საპასუხოდ განაცხადა.

„რაც შეეხა შრომითი პირობების რეგულაციის ნაწილს, ჩვენ ყველას კარგად გვახსოვს, როგორ აღმოჩნდა შრომითი კანონმდებლობა ვიზალიბერალიზაციის სამოქმედო გეგმის კომპონენტად, რაც საკმაოდ გასაკვირი იყო. ძირითადი საუბარი იყო შრომის პირობების მონიტორინგზე და ეს ჩვენ შევასრულეთ. რა თქმა უნდა, ვეთანხმებით იმ ნაწილს, რომ შრომითი პირობების მონიტორინგი არის აუცილებელი შემადგენელი სახელმწიფო ფუნქციონირებისათვის და ის უნდა შესრულდეს, განსაკუთრებით იმ ნაწილში, სადაც საუბარია მაღალი რისკის შემცველ სამუშაოებზე“, - აღნიშნა გიორგი გახარიამ.

მისივე განცხადებით,  შრომითი უფლებების რეგულირებას როგორც საკანონმდებლო, ასევე ეკონომიკური კუთხით უფრო მეტი მომზადება ესაჭიროება. „ლოგიკური იქნება, რომ  ის დრო, რასაც ევროპის კანონმდებლობასთან დაახლოების რეჟიმი გვაძლევს, მაქსიმალურად  გამოვიყენოთ“, - განაცხადა ეკონომიკის მინისტრობის კანდიდატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის