საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრმა“ ქალაქ ახალციხეში ახალგაზრდული პროგრამები განაახლა.

ახალციხის იუსტიციის სახლში ადგილობრივი სკოლების მოსწავლეებისთვის ადამიანის ძირითადი უფლებების შესახებ ტრენინგი ჩატარდა, რომელსაც მოხალისე ტრენერი ნანა ჯაფარიძე უძღვებოდა. დისკუსიის საშუალებით ტრენინგი აქტიურ რეჟიმში მიმდინარეობდა. დასასრულს მოსწავლეებმა განსაზღვრეს ის თემებიც, რომლებზეც სამომავლოდ ტრენინგის ჩატარებას ისურვებდნენ. ყველა მონაწილეს გადაეცა ახლაგაზრდებისთვის ადაპტირებული იურიდიული შინაარსის წიგნები - „სამართლის ქალაქი“.

ახალგაზრდული პროგრამების ფარგლებში, ადგილობრივი სკოლების მოსწავლეები ამიერიდან, სისტემატურად მოისმენენ სამართლებრივ ლექცია/სემინარებს, ტრენინგებს არაფორმალური განათლების მიმართულებით, დაესწრებიან საჯარო ლექციებს.  თეორიული მასალის გარდა, დაგეგმილია გუნდური თამაშები, სახალისო სავარჯიშოები, ფილმის ჩვენება-დისკუსია და სხვა.

სსიპ „დანაშაულის პრევენციის ცენტრის“ ახალგაზრდული პროგრამები ამჟამად 18 ქალაქში ხორციელდება, რომელთა მიზანია არასრულწლოვნებში სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია და  მოხალისეობრივი კულტურის განვითარება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა