„აჩუქე ციცინათელა“ - სოციალურ ქსელში ახალი გამოწვევა გამოჩნდა

2016-11-17 22:19:16, 2123 ნახვა

საზოგადოება

სოციალურ ქსელში ახალი გამოწვევა "აჩუქე ციცინათელა" გამოჩნდა, რომელმაც საზოგადოების საკმაოდ დიდი დაინტერესება გამოიწვია.

როგორც იდეის ავტორი ბექა ცერცვაძე აცხადებს, გამოწვევა საქველმოქმედო თემატიკისაა, რომელიც ძალიან ბევრი სიურპრიზითაა სავსე. მისივე თქმით, "ნებისმიერ დროს სრულიად გაუფრთხილებლად შეიძლება თქვენც გეწვიოთ".

"მანათობელი ზოგადად კარგის, სიკეთის, სინაზის, სითბოსა და თანადგომის ნიშანია. ჩვენ წამოვიწყეთ ახალი პროექტი, რომელიც ვიდეო-გამოწვევა გახლავთ, რასაც, ვიმედოვნებ, საზოგადოების ჩართულობა მოყვება. ასევე, ახლო მომავალში შედგება სატელევიზიო პრეზენტაცია, რომელიც საბოლოოდ მოფენს ნათელს პროექტის არსსა და მნიშვნელობას. გპირდებით, მეტად საინტერესო, ამაღელვებელ, ემოციებით დატვირთულ აქტივობების სერიას, რომელსაც მხოლოდ დადებითი ხასიათი ექნება. აქვე, მინდა ვისარგებლო შემთხვევით და აღვნიშნო, რომ ვეძებთ პარტნიორებს და მოვუწოდებთ დაინტერესებულ პირებს მხარი დაუჭირონ ამ ახლგაზრდულ, ინოვაციურ წამოწყებას და ხელი შეუწყონ „ციცინათელების“ გაჩუქებასა და პროპაგანდაში. და რაც მთავარია და სასიხარულოა, მოზარდები საქმეს მეტად სერიოზულად ეკიდებიან, ყოველ მათგანს კარგად აქვს გათავისებული საკუთარი მოვალეობა. მომავალში ჩვენ ვგეგმავთ არასამთავრობო ორგანიზაციის დარეგისტრირებას და საქმიანობისთვის უფრო მასშტაბური სახის მიცემას. აქვე ორი სიტყვით მოგახსენებთ ორგანიზატორებზე. იდეის ავტორი გახლავათ მე და ჩემი გუნდის წევრები არიან მარიამ ქორიძე, მარიამ გამრეკელი, მარიამ კეკუტია, ელენე მაჩაბელი, ნინი ვარაზაშვილი და რუსო რამიშვილი", - აცხადებს იდეის ავტორი ბექა ცერცვაზე.