რუსეთის პრემიერ-მინისტრი დიმიტრი მედვედევი გამოდის ინიციატივით, რომ ყავა "ამერიკანოს", "რუსიანო" დაერქვას. აღნიშნულის შესახებ მედვედევმა, 16 ნოემბერს, ევრაზიის მთავრობათაშორისი საბჭოს შეხვედრაზე განაცხადა.

მედვედევი ბელარუს კოლეგებთან საუბრისას აღნიშნა, რომ მათი ქმედებები საკმაოდ კონსტრუქტიული იყო, რასაც ბერალუსის პრემიერ-მინისტრი ანდრეი კობიაკოვი გამოეხმაურა და განაცხადა, რომ მას ამაში ყავა დაეხმარა.

"კობიაკოვმა თქვა, მომეცით ერთი ამერიკანო, რაც საკმაოდ არაპოლიტკორექტულად ჟღერს. მოდით ამერიკანოს სახელი შევუცვალოთ", - განაცხადა მედვედევმა და ალტერნატიული სახელად "რუსიანო" შესთავაზა.

ამასთან, 2014 წლის ნოემბერში გავრცელდა ინფორმაცია, რომ ყირიმის რამდენიმე კაფეს მეპატრონემ დაწესებულებაში "ამერიკანოს" გაყიდვაზე უარი თქვა. კერძოდ, ერთ-ერთ კაფეში გაჩნდა შემდეგი შინაარსის წარწერა: "ყურადღება! შექმნილი არასტაბილური გეოპოლიტიკური სიტუაციიდან გამომდინარე, ჩვენ არ გვაქვს ყავა სახელწოდებით "ამერიკანო". მოითხოვეთ ყავა "ყირიმული". რამდენიმე ყავის აპარატზე, ღილაკი წარწერით "ამერიკანო" ასევე შეცვლილია "რუსიანოთი".

ცნობისთვის, ყირიმი და სევასტოპოლი რუსეთის ფედერაციის შემადგენლობაში 2014 წლის მარტში შევიდნენ. უკრაინამ და მსოფლიოს უმეტესმა ნაწილმა რეფერენდუმის შედეგი უარყო. მაშინ როდესაც, ოფიციალური მოსკოვი აცხადებს, რომ შეერთების პროცედურა ყველა ნორმატიული აქტის დაცვით განხორციელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს