ეკონომიკისა და მდგრადი განვითარების მინისტრის მოადგილემ ირმა ქავთარაძემ ორი საერთაშორისო გამოფენის ოფიციალური გახსნის ცერემონიაში მონაწილეობა მიიღო, რომელიც საგამოფენო ცენტრში „ექსპო ჯორჯია“ გაიმართა. ირმა ქავთარაძესთან ერთად, გამოფენის გახსნაში მონაწილეობდა ენერგეტიკის მინისტრი ილია ელოშვილი.

საერთაშორისო გამოფენებში Elcomm Caucasus 2016 და Aquatherm Tbilisi 2016 ენერგეტიკის, ელექტროტექნიკის, ტელეკომუნიკაციების, გათბობის, ვენტილაციის, კონდიცირების, წყალმომარაგების, სანტექნიკისა და განახლებადი ენერგიის სექტორებში მომუშავე 40-მდე კომპანია მონაწილეობდა. ისინი წარმოადგენდნენ საქართველოს, თურქეთს, ესპანეთს, არაბთა გაერთიანებულ საემიროებს, უკრაინას, რუსეთს, სომხეთს, ინდოეთს, ირანს, ჩეხეთსა და პორტუგალიას. 

ეკონომიკისა და მდგრადი განვითარების მინისტრის მოადგილის ირმა ქავთარაძის განცხადებით, ენერგოეფექტური მოწყობილობების, სისტემების და მასალების სექტორი საქართველოში ძალიან პერსპექტიული დარგია და ქმნის ახალი ტიპის პროფესიებს და ახალ სამუშაო ადგილებს.

„კლიმატის ცვლილებას ჩვენ ყველანი ვგრძნობთ და ამდენად, მნიშვნელოვანია, დავნერგოთ ახალი ტიპის სისტემები და მასალები, რომელიც ეფექტურად დაზოგავს არა მარტო ენერგიას, არამედ რესურსების სხვადასხვა სახეებს,“ - განაცხადა ირმა ქავთარაძემ. მისი ინფორმაციით, საქართველოს ეკონომიკისა და მდგრადი განვითარების სამინისტროში მუშავდება მწვანე ზრდის პოლიტიკის დოკუმენტი. გარდა ამისა, მალე ხელი მოეწერება OECD-ის (ეკონომიკური თანამშრომლობისა და განვითარების ორგანიზაცია) მწვანე ზრდის დეკლარაციას. „ამით საქართველო გააკეთებს განაცხადს, რომ მოწინავე ქვეყნებს შორის ვართ და გვინდა სწრაფი და მდგრადი ეკონომიკური განვითარება,“ - განაცხადა ეკონომიკისა და მდგრადი განვითარების მინისტრის მოადგილე ირმა ქავთარაძემ.

ორივე გამოფენის მიზანს საქართველოში უახლესი ტექნოლოგიებისა და საერთაშორისო გამოცდილების შემოტანა, ადგილობრივ და უცხოურ კომპანიებს შორის საქმიანი პარტნიორობის სტიმულირება და შესაბამისი სექტორების  განვითარება წარმოადგენს.

გახსნის ოფიციალური ნაწილის დასრულების შემდეგ, საპატიო სტუმრებმა მონაწილეთა საგამოფენო სტენდები დაათვალიერეს და გამოფენის მონაწილეებს გაესაუბრნენ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა