ბულგარეთი მოსკოვს და ცხინვალს შორის გაფორმებულ ე.წ ხელშეკრულებაზე შეშფოთებას გამოთქვამს

2015-03-19 16:45:07, 574 ნახვა

პოლიტიკა

ბულგარეთის საგარეო საქმეთა სამინისტრო რუსეთსა და სამხერთ ოსეთს შორის გაფორმებულ ე.წ ხელშეკრულებასთან დაკავშირებით შეშფოთებას გამოთქვამს.

როგორც ბულგარეთის საგარეო უწყების მიერ გავრცელებულ განცხადებაშია ნათქვამი, აღნიშნული ხელშეკრულება საქართველოს სუვერენიტეტს, ტერიტორიულ მთლიანობას და საერთაშორისო სამართლის პრინციპებს არღვევს.
„2015 წ. 18 მარტს ქ. მოსკოვში, რუსეთის ფედერაციისა და თვითგამოცხადებული „სამხრეთ ოსეთის რესპუბლიკას“ შორის ხელმოწერილი ე.წ. მოკავშირეობისა და ინტეგრაციის შესახებ
ხელშეკრულებასთან დაკავშირებით, ბულგარეთი ღრმა შეშფოთებას გამოთქვამს საქართველოში და რეგიონში კონფლიქტების მოგვარების პროცესის განვითარების თაობაზე.
აღნიშნული დოკუმენტი არღვევს საქართველოს სუვერენიტეტს, ტერიტორიულ მთლიანობას და საერთაშორისო სამართლის პრინციპებს, ეწინააღმდეგება რუსეთის მიერ აღებულ საერთაშორისო ვალდებულებას და ისევე როგორც 2014 წელს ნოემბერში აფხაზეთთან ხელმოწერილ ანალოგიურ დოკუმენტს, არანაირი იურიდიული ძალა არ გააჩნია.
ბულგარეთი არ ცნობს საქართველოს გამოყოფილ რეგიონებს - სამხრეთ ოსეთსა და აფხაზეთს და სრულად მხარს უჭერს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში“, – აღნიშნულია განცხადებაში.