მსოფლიოს ყველაზე ქველმოქმედი ქვეყნების რეიტინგში საქართველომ 140 ქვეყანას შორის 120-ე ადგილი დაიკავა, - აღნიშნულ მონაცემებს worldometers.info აქვეყნებს.

საერთაშორისო საქველმოქმედო ორგანიზაცია Charities Aid Foundation-ის (CAF) 2016 წლის რეიტინგში, პირველ ადგილზეა მიანმარი, რომელსაც აშშ, ავსტრალია, ახალი ზელანდია და შრი ლანკა მოსდევს.

ამავე რეიტინგში რუსეთმა 126-ე, ლატვიამ 113-ე, უკრაინამ 106-ე, ლიტვამ 124-ე, ბელორუსმა მე-100, ესტონეთმა 118-ე, პოლონეთმა 109-ე, სომხეთმა 130-ე, აზერბაიჯანმა კი 131-ე ადგილი დაიკავეს.

ორგანიზაციის მიერ გამოქვეყნებულ რეიტინგში ბოლო ადგილს, როგორც ყველაზე არაქველმოქმედმა ქვეყანა, ჩინეთი იკავებს. ქვეყნები შემდეგი კრიტერიუმების მიხედვით არის შეფასებული: უცნობი ადამიანისთვის დახმარების გაწევა, მოხალისეთა აქტივობაში ჩართულობა და ფულადი შემოწირულობა. „უცნობი ადამიანებისთვის დახმარების გაწევის“ კუთხით საქართველომ 140 ქვეყანას შორის 111-ე ადგილი დაიკავა.

ფულადი შემოწირულობის კუთხით, საქართველომ 128-ე ადგილი დაიკავა. მოხალისეთა აქტივობაში ჩართულობის კუთხით კი 76-ე ადგილს იკავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს