ხულოში სამკერვალო ფაბრიკა დაიწყებს ფუნქციონირებას.

აჭარის მთავრობის თავმჯდომარე ზურაბ პატარაძე ქართული ოცნება-დემოკრატიული საქართველოს გამარჯვებულ კანდიდატთან ანზორ ბოლქვაძესთან ერთად საწარმოს ეწვია და თანამშრომლებს გაესაუბრა.

"მივესალმები მსგავს ინიციატივას, რომელიც ჩვენს მაჟორიტარ კანდიდატს - ანზორ ბოლქვაძეს ეკუთვნის, რომლის დახმარებით დღეს აქ ინვესტიცია ხორციელდება, უკვე დასაქმებულია ადგილობრივი კადრები, მომავალში კი 200-მდე ხულოს მკვიდრი  დასაქმდება. საწარმო სარგებლობს მთის კანონის იმ შეღავათით, რომელიც მთიან რეგიონში ბიზნესის ხელშეწყობას ემსახურება და ეს სამკერვალო არის ნათელი მაგალითი, თუ რამდენად გამართლებული და წარმატებულია მთის კანონი, რომ იგი ნამდვილად ემსახურება მთაში მოსახლეობის გამაგრებას, მთის მოსახლეობის სოციალურ და ეკონომიკურ კეთილდღეობას", - განაცხადა ზურაბ პატარაძემ სამკერვალოს თანამშრომლებთან და ხელმძღვანელ პირებთან შეხვედრისას.

ამ ეტაპზე საწარმოში 60-მდე ადგილობრივია დასაქმებული და სამომავლოდ 200-მდე ადამიანი დასაქმდება.

ფაბრიკის შენობის ფასადისა და ინტერიერის სამუშაოები უკვე დასრულებულია, საწარმოში შემოტანილია 60-მდე სამკერვალო დანადგარი. ინვესტიცია თურქულ-ქართულია და საწარმოს გამართვისა და ფუნქციონირების საკითხში ჩართულია რეგიონში მყოფი ნორვეგიელი ინვესტორებიც.

მნიშვნელოვანია, რომ ხულოში უკვე რამდენიმე საწარმო ფუნციონირებს, ტექსტილის მიმართულებით პირველი საწარმო სულ მალე ოფიციალურად გაიხსნება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს