ევროკავშირის საბჭო და ევროპარლამენტი ვიზალიბერალიზაციის შეჩერების მექანიზმის საკითხზე შესაძლოა, 19 ოქტომბერს შეთანხმდნენ, - ამის შესახებ შეჩერების მექანიზმის საკითხზე მომხსენებელმა, "ევროპის სახალხო პარტიის" წევრმა, ესპანეთის წარმომადგენელმა აგუსტინ დიას დე მერა გარსია კონსუერგამ LIBE-ს სხდომაზე სიტყვით გამოსვლისას განაცხადა.

როგორც მომხსენებელმა აღნიშნა, მომავალ კვირას კომიტეტმა შესაძლოა ტექნიკური ხასიატის შეხვედრა გამართოს.  

“რამდენიმე საათის წინ  საბჭოსგან დამაიმედებელი შეტყობინება მივიღე. კერძოდ, მსურს გაცნობოთ, რომ ევროკავშირის წევრებმა დადებითად შეაფასეს  შეჩერების მექანიზმთან დაკავშირებით ჩვენი ბოლო საკანონმდებლო ინიციატივა, რაც იძლევა სამომავლო შეთანხმების საფუძველს. რაც შეეხება საბოლოო ტექსტს, საბჭომ თანხმობა განაცხადა, დოკუმენტი პარასკევისთვის წარადგინოს. თუ ასე მოხდება, მომავალ კვირას ჩვენ გავმართავთ ტექნიკური ხასიათის აუცილებელ შეხვედრას და შეთანხმების მიღწევას უკვე მომავალ ოთხშაბათს შევძლებთ",- აღნიშნა კონსუერგამ.

ცნობისთვის, სწორედ შეჩერების მექანიზმის ამოქმედებაზეა დამოკიდებული  საქართველოს ვიზალიბერალიზაციის ძალაში შესვლა.

შეგახსენებთ, რომ 5 ოქტომბერს ევროკავშირის მუდმივ წარმომადგენელთა კომიტეტი (COREPER) დათანხმდა საქართველოს ვიზალიბერალიზაციის საკითხზე ევროპარლამენტთან მოლაპარაკებების დაწყებას.  ევროკავშირის საბჭოს გადაწყვეტილებით, საქართველოს ვიზალიბერალიზაციისა და შეჩერების ახალი მექანიზმის ამოქმედება ერთდროულად უნდა მოხდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს