პროკურატურა ლევან ჩაჩუას მიმართ გამოტანილ გამამართლებელ განაჩენს სააპელაციო სასამართლოში გაასაჩივრებს.
როგორც პროკურორმა რევაზ ნადოიმ ჩაჩუას ჟურნალისტებს განუცხადა, მოსამართლე დავით მგელიაშვილმა უკანონო გადაწყვეტილება მიიღო.
"სამწუხაროა, რომ მოსამართლე მგელიაშვილი არ აღმოჩნდა ის ნეიტრალური, ობიექტური პირი, რომელიც შეამოწმებდა ობიექტურად იმ მტკიცებულებებს, რაც ჩვენ წარვუდგინეთ სასამართლოში და ჩაჩუას ბრალეულობაში დარწმუნდებოდა. შემიძლია მხოლოდ ერთი რამე ვთქვა, რომ მგელიაშვილმა დაზარალებულის ჩვენებები არ გაიზიარა, მოწმეთა ჩვენებები, რომლებიც პიდაპირ მამხილებელ ჩვენებებს იძლეოდა, ჩვენ გვქონდა ძირითადი ვიდეომასალა და ამ ვიდეომასალაზე დავეყრდენით. ბუნებაში არ არსებობს ის მოტივაცია, რომელიც გაამართლებს დღევანდელ მგელიაშვილის უკანონო გადაწყვეტილებას. ის დაუსაბუთებელი და უკანონო იქნება. ჩვენ ამას აუცილებლად გავასაჩივრებთ",-განაცხადა რევაზ ნადოიმ.
შეგახსენებთ, საქართველოს ყოფილი პრემიერ-მინისტრის ზურაბ ჟვანიას გარდაცვალების საქმეზე ბრალდებული ექსპერტი ლევან ჩაჩუა სასამართლომ უდანაშაულოდ ცნო. გადაწყვეტილება  მოსამართლე დავით მგელიაშვილმა მიიღო. სასამართლომ ლევან ჩაჩუას აღკვეთის ღონისძიების სახით შეფარდებული გირაოც გაუუქმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს