„ქართული ოცნება-დემოკრატიული საქართველოს“  გენერალურმა მდივანმა კახა კალაძემ ჩუღურეთის მოსახლეობას ამავე ოლქში პარტიის მაჟორიტარი დეპუტატობის კანდიდატი გიორგი ვოლსკი კიდევ ერთხელ წარუდგინა.

როგორც კახა კალაძემ შეხვედრაზე აღნიშნა, 8 ოქტომბრის არჩევნებზე მოსახლეობა საქართველოს უახლეს ისტორიაში ყველაზე მნიშვნელოვან გადაწყვეტილებას მიიღებს.

 „ერთი დღე დარჩა 8 ოქტომბრამდე. დარწმუნებული ვარ, რომ ეს დღე საქართველოს უახლოეს ისტორიაში იქნება ძალიან მნიშვნელოვანი, რადგან ჩვენი ქვეყნის მოქალაქეები, ჩვენი ქვეყნის მოსახლეობა მიიღებს სწორ გადაწყვეტილებას და ეს გადაწყვეტილება იქნება თავისუფლება, რომელიც ჩვენ ყველამ ერთად, ჩვენი ბრძოლით, ჩვენი ერთსულოვნებით მოვიპოვეთ. ჩვენ არ მივცემთ არავის საშუალებას, შესაძლებლობას, რომ ბრძოლით, მშვიდობიანი გზით მოპოვებული თავისუფლება წაგვართვან. ჩვენ არ მივცემთ იმის შესაძლებლობას არავის, რომ ქვეყანაში დააბრუნოს ძალადობა. ჩვენ არ მივცემთ არავის შესაძლებლობას, რომ ადამიანის ღირსებას შეეხოს. დარწმუნებული ვარ, ჩვენ ხმას მივცემთ ჩვენი ქვეყნის სწრაფ ეკონომიკურ განვითარებას. ეს არის ის, რაც ყველაზე მეტად სჭირდება ჩვენს ქვეყანას“, - განაცხადა კახა კალაძემ.

მისივე თქმით, „ქართული ოცნება“ ყველაფერს გააკეთებს, რათა საქართველოში შემცირდეს სოციალურად დაუცველთა რაოდენობა და პენსიონერებს ჰქონდეთ ღირსეული პენსია.

„ჩვენ 4 წლის განმავლობაში მოვახერხეთ, რომ დღეს პენსიონერის პენსია არის 180 ლარი, მაგრამ ყველას კარგად გვესმის, ეს არ არის საკმარისი , ეს არ არის ის რაოდენობა, რომელიც განვითარებულ ქვეყნებში აქვთ, მაგრამ ეს არის იმაზე მეტი , ვიდრე იყო 2012 წელს. ჩვენ ვპირდებით ჩვენი ქვეყნის მოქალაქეებს, რომ ქვეყნის ეკონომიკურ განვითარებასთან ერთად, იქნება პენსიის მატება. ჩვენ ვპირდებით, რომ 4 წლის თავზე გვექნება თვისობრივად განსხვავებული საქართველო, თვისობრივად განსხვავებული ინფრასტრუქტურით და შესაძლებლობებით. არ დავიწყებ იმაზე საუბარს, თუ რა პრობლემები აწუხებთ ჩვენი ქვეყნის მოსახლეობას. ეს ძალიან კარგად გვესმის, მიუხედავად მრავალი განხორციელებული პროექტისა, მრავალი რეფორმისა, კარგად გვესმის ყველა ის პრობლემა, რომელიც დღეს აწუხებთ ჩვენი ქვეყნის მოქალაქეებს - დედაქალაქის მოსახლეობას, რეგიონებში, რაიონებში, ქალაქებში მცხოვრებ ადამიანებს“,-აღნიშნა კალაძემ.

 მისივე თქმით, „ქართული ოცნება“ არის ერთადერთი ძალა, რომელსაც მოსახლეობის პრობლემების მოგვარების შესაძლებლობა აქვს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times