იაპონიაში კატასტროფების რისკის შემცირების გაეროს მესამე მსოფლიო კონფერენცია გაიმართება

2015-03-16 14:32:21, 486 ნახვა

პოლიტიკა

გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია იაპონიაში, ქალაქ სენდაიში სამუშაო ვიზიტით გაემგზავრა.

როგორც „ექსპრესნიუსს“ გარემოს დაცვის სამინისტროდან აცნობეს, მინისტრის მოადგილე კატასტროფების რისკის შემცირების გაეროს მესამე მსოფლიო კონფერენციაზე საქართველოს დელეგაციას ხელმძღვანელობს.

უწყების ინფორმაციით, ვიზიტის ფარგლებში დაგეგმილია ორმხრივი შეხვედრები კონფერენციის მონაწილე ქვეყნებისა და საერთაშორისო ორგანიზაციების წარმომადგენლებთან.

კატასტროფების რისკის შემცირების გაეროს მესამე მსოფლიო კონფერენციაზე 2015-2025 წლების საქმოქმედო გეგმა შემუშავდება. დოკუმენტის მიზანია, სტიქიური უბედურებებით გამოწვეული ზიანის, ადამიანთა მსხვერპლის და ქვეყნების სოციალური, ეკონომიკური და ეკოლოგიური რესურსების განადგურების რისკის მნიშვნელოვნად შემცირება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან