2016-10-06 10:58:09, 742 ნახვა
საზოგადოება
ევროპარლამენტარები დღეს, ე.წ. შეჩერების მექანიზმის საკითხს განიხილავენ
ევროპარლამენტარები და ევროპის საბჭოს თავმჯდომარე ქვეყნის, სლოვაკეთის დიპლომატები დღეს ერთმანეთს ე.წ შეჩერების მექანიზმის განხილვის მიზნით შეხვდებიან.
მოლაპარაკებები შესაძლოა, რამდენიმე კვირას გაგრძელდეს. აღსანიშნავია, რომ "შეჩერების მექანიზმის" შემოღება განისაზღვრა იმ საბოლოო ვადად, როცა საქართველოსთვის ევროკავშირთან უვიზო მიმოსვლა შევა ძალაში.
შეგახსენებთ, რომ გუშინ ევროპული საბჭოს მუდმივმა წარმომადგენლებმა შენგენის ზონაში საქართველოს მოქალაქეებისთვის მოკლევადიანი უვიზო მიმოსვლის შესახებ დადებითი გადაწყვეტილება მიიღეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
