პოლონეთის მთავრობა აბორტების სრული აკრძალვის შესახებ კანონპროექტს მხარს არ დაუჭერს, - ამის შესახებ პოლონეთის მეცნიერებისა და უმაღლესი განათლების მინისტრმა იაროსლავ გოვინმა განაცხადა.

მისი თქმით, მთავრობა მხარს არ დაუჭერს აბორტების სრული აკრძალვის შესახებ კანონპროექტს, რომელსაც ევროკავშირი აკრიტიკებს.

მისივე განცხადებით, მთავრობის გადაწყვეტილებაზე ყველაზე მეტად ზეგავლენა იქონია ქალების მიერ ბოლო რამდენიმე თვის განმავლობაში გამართულმა რეგულარულმა საპროტესტო აქციებმა.

"პროტესტებმა გვაიძულა, დავფიქრებულიყავით, და მორჩილება გვასწავლა",  -აღნიშნა მინისტრმა.

შეგახსენებთ, აბორტების სრული აკრძალვის წინააღმდეგ კანონპრექტს პოლონეთის პარლამენტის ერთ-ერთი კომიტეტი განიხილავს. თუმცა პარლამენტის სპიკერმა ცოტა ხნის წინ განაცხადა, რომ ნაკლებად სავარაუდოა, ინიციატივას მხარი დაუჭირონ სამოქალაქო აქტივისტების მიერ შეგროვებული საჭირო რაოდენობის ხელმოწერების გათვალისწინებით.

ინფორმაციისთვის, ამჟამად პოლონეთში ლეგალურად აბორტი ნებადართულია მხოლოდ რამდენიმე შემთხვევაში, მათ შორის, თუ ფეხმძიმობა ქალის სიცოცხლეს საფრთხეს უქმნის, თუ ჩასახვა სექსუალური ძალადობისა ან ინცესტის შედეგად მოხდა, ან თუ ფეხმძიმობა დარღვევებით ვითარდება.

ცნობისთვის, პოლონეთის სხვადასხვა ქალაქებში ქალები აბორტების აკრძალვის წინააღმდეგ საპროტესტო აქციებს რამდენიმე დღე მართავდნენ. როგორც ცნობილი გახდა, მათ დააგროვეს საჭირო ხელმოწერები, რის შემდეგადაც, სავარაუდოდ, აბორტის აკრძალვის ინიციატივას მთავრობა მხარს არ დაუჭერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს