კოალიცია „ქართული ოცნება“ 2012 წლის მოწვევის პარლამენტში ერთი მთავარი განაცხადით - „სამართლიანობის აღდგენა“ მოვიდა ხელისუფლებაში. „ქართული ოცნების“ 2016 წლის საარჩევნო პროგრამაში სამართლიანობის აღდგენასთან დაკავშირებით მხოლოდ რამდენიმე ფრაზა გვხვდება და მითითებულია: „გაგრძელდება სამართლიანობის აღდგენის პროცესი კონსტიტუციურ ფარგლებში და საერთაშორისო ვალდებულებების შესაბამისად, ხელისუფლება გამოიყენებს ყველა სამართლებრივ მექანიზმს, რათა თითოეულ ადამიანს აღუდგეს წინა ხელისუფლების მიერ დარღვეული უფლება და დაისაჯონ შესაბამის დანაშაულში ბრალდებული პირები“.

„რესპუბლიკური პარტიის“ ერთ-ერთ ლიდერს თინა ხიდაშელს მიაჩნია, რომ ხელისუფლებამ დაზარალებული ბიზნესმენებისთვის წართმეული ქონების დასაბრუნებლად და სამართლიანობის აღსადგენად არასაკმარისი მცდელობა განახორციელა:

 “ ჩემი აზრით „ქართულმა ოცნებამ“ არასაკმარისი მცდელობა განახორციელა, იმისთვის რომ „ნაციონალური მოძრაობის“ მმართველობის დროს დაზარალებულ და მსხვერპლად ქცეულ ადამიანებს შვება ეგრძნოთ.

ეს სრულიად ნათელი და ცალსახაა. ეს კიდევ უფრო ნათლად გამოჩნდა კეზერაშვილის სასამართლო განაჩენით.

„ქართული ოცნების“ პროკურატურამ მოახერხა ის, რომ სასამართლოს ეს ადამიანი გაემართლებინა. ისე გამოდის, რომ თითქოს არც არაფერი ყოფილა. ამიტომ სამართლიანად არის გაბრაზებული მოსახლეობის ერთი ნაწილი ამ მიმართულებით. „ქართულმა ოცნებამ“ ძალიან ობიექტური და რეალური პრობლემების მოგვარების გზაზე არასაკმარისი მცდელობა განახორციელა.როგორც ჩანს ისინი თვლიან, რომ უდანაშაულოა კეზერაშვილი. ისევე როგორც პრობლემა არ აქვთ არც ბაჩო ახალაიასთან, გარდა იმ ეპიზოდისა, რომელიც ახალაიას წაუყენეს."- აცხადებს თინა ხიდაშელი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის