თბილისის ივანე ჯავახიშვილის სახელობის სახელმწიფო უნივერსიტეტში აკადემიური საბჭოს სხდომა მიმდინარეობს.

როგორც თსუ-ს რექტორმა გია შარვაშიძემ სხდომის დაწყებამდე ჟურნალისტებს განუცხადა, ის მოთხოვნები რაც სტუდენტთა ნაწილმა დააყენა პარასკევს, სენატის სხდომაზე განიხილება.

“სწავლის ხელმისაწვდომობა ჩვენს ქვეყანაში არის, დღეს 3500 აბიტურიენტი გახდა სტუდენტი თსუ-ში,აქედან 70 % აქვს გრანტი მიღებული, ეს ნიშნავს იმას, რომ დიდ წილს სახელმწიფო აფინანსებს. რაც შეეხება ბაზების გახსნის პრობლემას, რომელიც შეეხება დავალიანებებს ეს არ არის აკადემიური საბჭოს განსახილველი და განიხილება სენატის სხდომაზე. დღევანდელ სხდომაზე საუბარი იქნება რამდენიმე მნიშვნელოვან საკითხზე, ერთ-ერთი არის სტრატეგიული განვითარების გეგმა, რომელზეც ვისაუბრეთ როგორც თვითმმართველობის, ასევე „აუდიტორია 115“-ის  წევრებთან ერთად. ვაპირებ, რომ აკადემიურ საბჭოს გავაცნო ჩვენი გეგმა, გამომდინარე ჩემი კონცეფციიდან, შევქმნა სამუშაო ჯგუფი, ეს იქნება ღია დოკუმენტი, ღია სივრცე, სადაც მონაწილეობის საშუალება და ეს არის ყველაზე რეალისტური ნაბიჯი, რათა ყველა პრობლემა გადავწყვიტოთ”, -  განაცხადა შარვაშიძემ.

შეგახსენებთ, რომ „აუდიტორია 115“-ის წევრების ერთ-ერთი მთავარი მოთხოვნა სწავლის ხელმისაწვდომობა და იმ სტუდენტებისათვის სასწავლო ბაზის გახსნაა, ვისაც სწავლის საფასური გადახდილი არ აქვს. ეს და სხვა მოთხოვნები სტუდენტთა ნაწილმა რექტორს შეხვედრისას გააცნეს. რექტორმა კი თავის მხივ, მათ სტრატეგიული განვითარების დოკუმენტზე მუშაობა შესთავაზა, სადაც სტუდენტებს საკუთარი მოთხოვნების ჩამოყალიბების საშუალება ექნებათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება