თბილისის სახელმწიფო უნივერსიტეტში „აუდიტორია 115“-ის სტუდენტებსა და რექტორ გიორგი შარვაშიძეს შორის შეხვედრა კითხვა-პასუხის რეჟიმში მიმდინარეობს.

სტუდენტები დაინტერესდნენ, ფიქრობს თუ არა შარვაშიძე, რომ განათლების შესახებ კანონში ცვლილებებია საჭირო.

რექტორის თქმით, ცვლილებებთან დაკავშირებით მსჯელობას დღესვე დაიწყებენ. მისივე განმარტებით, უახლოეს მომავალში შეიქმნება უნივერსიტეტის სტრატეგიული განვითარების გეგმა.

„ერთიანი ხედვა უნივერსიტეტის განვითარების ყველა მხარის ჩარულობით უნდა შეიქმნას. პრინციპულად ეს საკითხი უკვე გადაწყვეტილია“, - აღნიშნა შარვაშიძემ.

მისივე თქმით, უნივერსიტეტში მეცნიერების განვითარებას დიდ ყურადღებას მიაქცევს.

გარდა ამისა, სტუდენტებმა რექტორს სტატუსშეჩერებულ სტუდენტებთან დაკავშირებითაც კითხეს. რექტორის განცხადებით, მისი პოზიციაა, რომ სტუდენტის სტატუსის შეჩერება ცუდი პრაქტიკაა.

„გეთანხმებით, ძალიან ცუდი პრაქტიკაა. მართლა მაინტერესებდა რა ხდება. სტატუსის შეჩერება ხშირად დაკავშირებული იყო იმასთან, რომ არ შეუძლია სტუდენტს თანხის გადახდა, ან მცირე იყო დავალიანება, რის გამოც ხდებოდა სტატუსის შეჩერება. საერთოდ, ჩემი აზრით, სტატუსის შეჩერება არის ცუდი პრაქტიკა. ყველას რომ მიეცეს საშუალება მიიღოს უმაღლესი განათლება, ეს ჩემი ოცნებაა. გავერკვევი ამ საკითხში. დღესვე მიიღებთ პასუხს“, - განაცხადა შავრაშიძემ.

სტუდენტებმა ასევე აკადემიური რეგისტრაციის ვადის გახანგრძლივების აუცილებლობაზე ისაუბრეს, რაზეც რექტორმა განაცხადა, რომ ამ საკითხსაც მიაქცევს ყურადღებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს