დიდი ბრიტანეთის ახალი პრემიერ-მინისტრი ტერეზა მეი ფინანსურის სამყაროს ყველაზე გავლენიან ადამიანად დასახელდა. სააგენტო  "ბლუმბერგმა" მეორე ადგილი აშშ-ს პრეზიდენტობის კანდიდატ დონალდ ტრამპს არგო, ხოლო მესამე ადგილს ტრამპის კონკურენტი ჰილარი კლინტონი იკავებს.

სააგენტოს ანალიტიკოსები მიიჩნევენ, რომ ტერეზა მეიზე დიდ წილად ლონდონის სიტის ფონანსური ცენტრის ბედია დამოკიდებული.

ამავე სიაში მეოთხეა ჩინეთის ლიდერი სი ძინპინი. რუსეთის პრეზიდენტს ვლადიმერ პუტინს “ბლუმბერგის” რეიტინგში 30-ე ადგილი ერგო. სააგენტოში აღნიშნავენ, რომ რუსეთი ხდება სულ უფრო იზოლირებული, ამერიკელი და ევროპელი ინვესტორები ქვეყანაში ფულს თითქმის აღარ აბანდებენ.

სიაში ასევე მოხვდნენ ცნობილი ბიზნესმენები და ინვესტორები, როგორებიც არიან Amazon-ის დამფუძნებელი ჯეფ ბეზოსი, ინვესტორი უორენ ბაფეტი, Tesla-ს და Space X-ის დამფუძნებელი ილონ მასკი, JP Morgan-ის გენერალური დირექტორი ჯეიმს დაიმონი.

ამას გარდა, რეიტინგში  დასახელებულები არიან რამდენიმე ქვეყნის ცენტრალური ბანკების ხელმძღვანელები, მათ შორის ევროპის ცენტრალური ბანკის ხელმძღვანელი მარიო დრაგი, აშშ-ის ფინანსური სარეზერვო სისტემის ხელმძღვანელი ჯანეტ იელენი და ჩინეთის სახალხო ბანკის თავმჯდომარე ჩჟოუ სიაოჩუანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს