აჭარის ტურიზმის დეპარტამენტი რეგიონის ტურისტული შესაძლებლობების რეკლამირებას რუსეთის საერთაშორისო ტურისტულ გამოფენაზე „OTDYKH  LEISURE” უწევს. საქართველოს სტენდთან მოსულ ვიზიტორების საშუალება აქვთ აჭარის ტურისტული შესაძლებლობებისა და რეგიონში ტურიზმის სხვადასხვა მიმართულების შესახებ მიიღონ ინფორმაცია, ასევე აჭარის შესახებ მომზადებულ საინფორმაციო-სარეკლამო მასალებს გაეცნონ. აჭარის ტურიზმის დეპარტამენტი გამოფენაზე საქართველოს ტურიზმის ეროვნულ ადმინისტრაციასთან და ტურისტულ სააგენტოებთან ერთად მონაწილეობს. 

რუსეთის საერთაშორისო ტურისტულ გამოფენა „OTDYKH  LEISURE” მოსკოვში ერთ-ერთი მასშტაბური გამოფენაა რუსეთში. მასში 70-ზე მეტი ქვეყნის ტურისტული ბიზნესის წარმომადგენლები მონაწილეობენ. გამოფენა 21 სექტემბერს დაიწყო და 24 სექტემბერს დასრულდება. გამოფენის ფარგლებში 160 ბიზნეს ღონისძიებაა დაგეგმილი, რომელიც გამოფენის მონაწილეებისთვის კარგი საშუალებაა ახალი კონტაქტების დამყარებისა და სამომავლო თანამშრომლობის მიზნით.  

აჭარის ტურიზმის დეპარტამენტი წელს მეთოთხმეტედ უწევს რეგიონის ტურისტულ პოტენციალს რეკლამირებას საერთაშორისო ტურისტულ გამოფენაზე. დეპარტამენტმა რეგიონი უკვე  რადაგინა ისეთ მასშტაბურ  გამოფენებზე, როგორებიცაა ისრაელის, გერმანიის, ლიტვის, დუბაის, ჩინეთის, პოლონეთისა და საქართველოს მეზობელ ქვეყნებში გამართული ტურისტული გამოფენები. წლის ბოლომდე დეპარტამენტი სამ გამოფენაში მიიღებს მონაწილეობას. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება