არგენტინის იუსტიციის სამინისტროს წარმომადგენლებმა ნუკრიანის საზოგადოებრივი ცენტრი მოინახულეს.

სტუმრები საზოგადოებრივი ცენტრის კონცეფციას გაეცნენ. არგენტინის იუსტიციისა და ადამიანის უფლებების დაცვის სამინისტროს წარმომადგენელს სანდრა ელენასა და მის თანაშემწეს, მარტინ ბორელს სახელმწიფო სერვისების განვითარების სააგენტოს საზოგადოებრივი ცენტრების პროექტის მენეჯერმა მარიამ ძაგნიძემ უმასპინძლა. დელეგაციის წევრებმა მიიღეს ინფორმაცია იმ მრავალფეროვანი სერვისების შესახებ, რომლებსაც ნუკრიანის საზოგადოებრივი ცენტრი ადგილობრივ მოსახლეობას სთავაზობს.

აღსანიშნავია, რომ საზოგადოებრივი ცენტრის მეშვეობით მოსახლეობას საშუალება აქვს, სოფლიდან გაუსვლელად ისარგებლოს 200-ზე მეტი საჯარო და კერძო სექტორის სერვისით. საზოგადოებრივი ცენტრის მომხმარებლებს შეუძლიათ, ისარგებლონ სახელმწიფო სერვისების განვითარების სააგენტოს, საქართველოს ეროვნული არქივის, საჯარო რეესტრის ეროვნული სააგენტოს, სოციალური მომსახურების სააგენტოს და შპს მექანიზატორის სერვისებით, ცენტრში ასევე წარმოდგენილი არიან კერძო კომპანიები: „მაგთიკომი“ და „ლიბერთი ბანკი“.

ამჟამად საქართველოს მასშტაბით 36 საზოგადოებრივი ცენტრი ფუნქციონირებს. წლის ბოლომდე კიდევ რამდენიმე ახალი ცენტრის გახსნა იგეგმება. პროექტი ხორციელდება ევროკავშირის ფინანსური მხარდაჭერით.

არგენტინის დელეგაცია საქართველო 18 სექტემბერს ეწვია. უცხოელ სტუმრებს შეხვედრები ჰქონდათ: იუსტიციის სამინისტროს, საჯარო რეესტრის და მონაცემთა გაცვლის სააგენტოს ხელმძღვანელ პირებთან. არგენტინის იუსტიციისა და ადამიანის უფლებების დაცვის სამინისტროს წარმომადგენელი სანდრა ელენა და მისი თანაშემწე მარტინ ბორელი საქართველოს 23 სექტემბერს დატოვებენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს