პარტია „ქართული ოცნება-დემოკრატიული საქართველოს“ გურჯაანის ოლქის მაჟორიტარი დეპუტატობის კანდიდატმა დავით სონღულაშვილმა მორიგი შეხვედრები სოფელ შაშიანის ფერმერებთან, ქალაქ გურჯაანში მდებარე სპირტის სახდელი ქარხნის თანამშრომლებთან და გურჯაანის მოსახლეობასთან გამართა.

 დეპუტატობის კანდიდატმა ფერმერებისგან მათი საქმიანობის ისტორია და სამომავლო გეგმები მოისმინა. სპირტის სახდელი ქარხნის თანამშრომლებს და გურჯაანის მოსახლეობას „ქართული ოცნების“ სამოქმედო გეგმა გააცნო.

 შეხვედრებზე, რომლებმაც კითხვა-პასუხის რეჟიმში ჩაიარა, გურჯაანელებმა ყურადღება გაამახვილეს ინფრასტრუქტურულ და სოციალურ პრობლემებზე. დავით სონღულაშვილი მათ არჩევნებში გამარჯვების შემთხვევაში დახმარებას დაჰპირდა. შეხვედრების ბოლოს დავით სონღულაშვილმა სპირტის სახდელი ქარხანა დაათვალიერა.

„ადგილობრივ ფერმერებს მაქსიმალურად უნდა შევუწყოთ ხელი განვითარებაში. თითოეულ მათგანს უნდა ჰქონდეს ინფორმაცია იმ სახელმწიფო პროექტების შესახებ, რომლებიც წარმატებით ხორციელდება. მაგალითად, როგორიცაა „აწარმოე საქართველოში“, „დანერგე მომავალი“, „უმასპინძლე საქართველოში“ და სხვა. ჩემი მთავარი ამოცანაა ხელი შევუწყო თითოეულ თქვენგანს საქმის კეთებაში. მაქსიმალურად ვეცდები, როგორც დეპუტატი, რომ ამ პროექტების სიკეთეების უმეტესობა გურჯაანში წამოვიდეს“, - განაცხადა დავით სონღულაშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა