პარტია „ახალი საქართველოს“ ლიდერი გიორგი ვაშაძე „ქართული ოცნების“ წევრის მანანა კობახიძის მიერ სოციალურ ქსელში გაკეთებულ განცხადებას ეხმაურება და აცხადებს, რომ წინა ხელისუფლების დროს მის განათლებაში ჩადებული ინვესტიცია საქართველოს, თუნდაც იუსტიციების სახლების სახით დაუბრუნდა.

„თუ ცოდნის მიღება სისხლის სამართლის დანაშაულია, კი ბატონო. მე მიმაჩნია, რომ სახელმწიფოს მსგავსი პროექტები უნდა ქონდეს. ამ დაფინანსებით ძალიან ბევრმა ადამიანმა ისარგებლა და არა მხოლოდ საჯარო მოხელეებმა. ვვფიქრობ, რომ მსგავსი პროექტები უნდა გაგრძელდეს. რაც შეეხება ჩემს დაფინანსებას, იქიდან გამომდინარე, რომ სამართლებრივი პროცესები მქონდა განხორციელებული, ცოდნის გაღრმავება მნიშვნელოვანი იყო და ჩემს ცოდნაში ჩადებული ინვესტიცია საქართველოს თუნდაც იუსტიციის სახლებით დავუბრუნე. მანანა კობახიძემ კი ჯობს საკუთარ ძმას მიხედოს, რომლის გარშემოც ბევრი კითხვაა“, - განაცხადა „ექსპრესნიუსთან“ საუბრისას ვაშაძემ.

შეგასენებთ, რომ გუშინ „იმედის დროში“  ყოფილი ხელისუფლების დროს ბიუჯეტის ხარჯზე დაფინანსებული მაღალჩინოსნების შესახებ სიუჟეტი გავიდა, სადაც გიორგი ვაშაძეც იყო ნახსენები. ამასთან დაკავშირებით მანანა კობახიძემ სოციალურ ქსელში განცხადება გაავრცელა, სადაც პროკურატურას მოუწოდა ამ ფაქტით დაინტერესებულიყო, რადგან სისხლის სამართლის დანაშაულია ხალხის ფულის ხარჯზე, ბიუჯეტის თანხებით თანამდებობის პირების განათლების დაფინანსება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს