"ყველა ჩვენი ქმედება, რომელსაც ვახორციელებთ, მიზანმიმართულია ნეგატიური პროცესების შერბილებისკენ, იმისთვის, რომ ფუნდამენტალურად შეიცვალოს მდგომარეობა, საწჭიროა  ფუნდამენტურ ფაქტორებზე ზეგავლენა",-ამის შესახებ  ეროვნული ბანკის პრეზიდენტმა გიორგი ქადაგიძემ პარლამენტის  დარგობლივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე განაცხადა.
"ყველა ჩვენი ქმედება, რომელსაც ვახორციელებთ,  მიზანმიმართულია ნეგატიური პროცესების შერბილებისკენ, იმისთვის, რომ ფუნდამენტალურად შეიცვალოს მდგომარეობა, საჭიროა  ფუნდამენტურ ფაქტორებზე ზეგავლენა. საჭიროა იმ სავალუტო შემოდინებების მაქსიმალურად მობიზილება და გაზრდა, რომელზეც  შესაძლებელია ქვეყანას ჰქონდეს გავლენა.გასაგებია,  რომ გაზავნილებს ვერ ექნება გავლენა, სხვადასხვა საექსპორტო საქონელზე რუსეთში და უკრაინაში,  მაგრამ რაზეც შეუძლია რომ გავლენა ჰქონდეს, ის უნდა  აღდგეს.საბოლო ჯამში,  რეცეპტი არის მხოლოდ ეს. დანარჩენი ყველაფერი  და განსაკუთრებით ეროვნული ბანკის მხრიდან გადადგმული ნაბიჯები,   მხოლოდ მიზნად ისახავს ნეგატიური პროცესების შერბილებას",-განაცხადა გიორგი ქადაგიძემ.
რაც შეეხება ლარის კურისის გაუფასურებას, ეროვნული ბანკის პრეზიდენტის განმარტებით, წლიურად კურსი დაახლოებით, 5%-თაა გაუფასურებული. ქადაგიძე მიიჩნევს, რომ აღნიშნული გაუფასურება საკმარისი უნდა იყოს იმისათვის, რომ შემოდინებებსა და გადინებებს შორის წარმოქმნილი სხვაობა გადაფაროს. გიორგი ქადაგიძე  საშუალოვადიან პერსპექტივაში ლარის კურსის მეტ რყევებს არ ელოდება.
"კურსი გაუფასურებულია დაახლოებით 5%-ით წლიურად. ჩენი ვარაუდით და ჩვენი  გათვლებით, აღნიშნული გაუფასურება საკმარისი უნდა იყოს უკვე იმისთვის, რომ გადაფაროს ის სხვაობა,  რომელიც წარმოიქმნა შემოდინებებსა და გადინებებს შორის და საშუალოვადიან პერსპექტივაში, განსაკუთრებით მაშინ, როდესაც ზაფხულის სეზონი და ტურისტული სეზონი შევა პიკში,  არ ველოდებით უფრო მეტ რყევებს. მოკლევადიან პერიოდში მოთხოვნა -მიწოდებაზე ახდენს მოლოდინები მნიშვნელოვან გავლენას და მოლოდინები და მოლოდინების მართვა არის ისეთივე ნაწილი ეკონომიკის მართვის, როგორც ფუნდამენტური პროცესების მართვა. ჩვენი ეკონომიკა არის იმ ზომის,  რომელიც  სხვადასხვა სტატისტიკური მონაცემების გამოქვეყნებაზე რეაგირებს და ყველა სტატისტიკური მონაცემების გამოქვეყნებაზე ბაზარს ექნება რეაგირება",-განაცხადა გიორგი ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა