2016-09-16 18:12:25, 586 ნახვა

---

ჯავახიშვილი: 2012 წელს, როდესაც 53-ე ადგილზე ვყოფილვართ, კარგად ვიცი, რომ ობიექტურად 530-ე ადგილსაც ვერ ვიკავებდით

რეგიონული განვითარებისა და ინფრასტრუქტურის მინისტრი ნოდარ ჯავახიშვილი საერთაშორისო სარეიტინგო კომპანიის მიერ გამოქვეყნებულ კვლევებში,  ეკონომიკური თავისუფლების ინდექსით, 159 ქვეყანას შორის საქართველოს მე-5 ადგილზე ყოფნას ეხმაურება.

ჯავახიშვილის თქმით, შვეიცარიის შემდეგ მე-5 ადგილზე ყოფნა ნებისმიერი ქვეყნისთვის საამაყო იქნებოდა

“რა თქმა უნდა ეს ძალიან მნიშვნელოვანი მაჩვენებელია. ვფიქრობ, შვეიცარიის შემდეგ მე-5 ადგილზე ყოფნა ნებისმიერი ქვეყნისთვის საამაყო იქნებოდა.ჩვენთვის ეს განსაკუთრებით მნიშვნელოვანია. ვინაიდან შვეიცარიას არ სჭირდება იმდენი ინვესტორი , იმდენი საინვესტიციო რესურსი, ჩვენ კი ახლა ამ გრანდიოზული პროგრამების შესრულების პროცესში ძალიან დაგვიჭრდება ეს , ვფიქრობ, ეს ძალიან კარგი მახასიათებელია იმისათვის, რომ ინვესტორი თავისუფლად და ზედმეტი ფიქრის და დარდის გარეშე ჩამოვიდეს საქართველოში”,-განაცხადა ნოდარ ჯავახიშვილმა.

მისივე განმარტებით, ამ საერთაშორისოდ აღიარებული ინსტიტუტის სჯერა,  თუმცა  2012 წელს, როდესაც 53-ე ადგილზე დაასახელეს საქართველო,  მაშინ  ობიექტურად 530-ე ადგილსაც ვერ ვიკავებდით:

„როდესაც პრემიერმა ამაზე განცხადება გააკეთა, მე ნახევრად ხუმრობით გავუსვი ხაზი, ძალიან მჯერა ამ საერთაშორისოდ აღიარებული ინსტიტუტისა, თუმცა ძალიან გამიკვირდა, როდესაც ბრძანა, რომ 2012 წელს,  53-ე ადგილზე ვყოფილვართ, მაშინ ბიზნესში ვიყავი და ძალიან კარგად ვიცი, რომ 530-ე ადგილსაც ვერ ვიკავებდით  ობიექტურად”,-აღნიშნა ნოდარ ჯავახიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი