საქართველოს პრემიერ-მინისტრი გიორგი კვირიკაშვილი მთავრობის დღევანდელ სხდომაზე პატიმრობის კოდექსსა და მის თანამდევ კანონებში ცვლილებებს გამოეხმაურა.

მან სასჯელაღსრულებისა და პრობაციის მინისტრ კახა კახიშვილს  გაწეული მნიშვნელოვანი სამუშაოსთვის მადლობა გადაუხადა.

 პრემიერის თქმით, აღნიშნული კოდექსი სასჯელაღსრულებისა და პრობაციის სისტემაში ადამიანის  უფლებების დაცვის დონეს თვისობრივად ცვლის:

„ ვფიქრობთ, ეს იქნება თვისობრივი ცვლილება  საქართველოს ევროპულ სტანდარტებთან დაახლოების კუთხით. საქართველოში მსჯავრდებულს პირველად მიეცემა უმაღლესი განათლების მიღების უფლება, სრულწლოვანი მსჯავრდებულისთვისაც ინერგება არასაპატიმრო  სასჯელის ახალი სახე- შიდაპატიმრობა, მცირდება დისციპლინური პატიმრობის ვადები, იცვლება უვადო თავისუფლებააღკვეთილ მსჯავრდებულთა გადასინჯვის მექანიზმები, ანუ შემდგომი შესაძლო გათავისუფლების მექანიზმი შემოდის და ა.შ. ვფიქრობ, ეს მნიშვნელოვანი ცვლილებებია და მინდა წარმატება  გისურვოთ  ამ ცვლილებების დანერგვის პროცესში“, -აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს