პრეზიდენტის პრეს-სპიკერი ეკა მიშველაძე ინტერნეტსივრცეში პაატა ბურჭულაძისა და ნიკა გვარამიას საუბრის გავრცელებას ეხმაურება.

მიშველაძის თქმით, საქართველოში  მსგავსი ჩანაწერების გაკეთებისა  და შემდეგ გავრცელების პრაქტიკა  ერთხელ და სამუდამოდ უნდა დასრულდეს.  ამასთან, მიშველაძის შეფასებით, ასევე დაუშვებელია ფარული ჩანაწერების მედიის მიერ ტირაჟირება:

"უნდა დასრუდლეს მედიის მიერ მსგავსი ჩანაწერების ტირაჟირება, რადგან ეს არის ორი ადამიანის პირადი საუბარი. მართალია ამ საუბარში არაფერი სკანდალური არ არის, რასაც  ჩვენ მიგვაჩვიეს მთელი ამ წლის განმავლობაში, მაგრამ მიუხედავად ამისა, ეს არის ორი ადამიანის კერძო საუბარი, მათი პირადი სივრცე. თუ იქნებოდა ამ ადამიანების სურვილი, მათ შეეძლოთ გაევრცელებინათ, რომელ მედიასაშუალებაშიც უნდოდათ იქ. ერთხელ და სამუდამოდ ყველამ უნდა გაითავისოს დაწყებული ხელისუფლებიდან, დამთავრებული მედიის წარმომადგენლებით და ნებისმიერი მოქალაქის ჩათვლით, რომ მსგავსი ჩანაწერების გაკეთება-გავრცელება და შემდეგ ტირაჟირება დაუშვებელია",-განაცხადა ეკა მიშველაძემ.

შგახსენებთ, ინტერნეტში „რუსთავი 2“-ის გენერალური დირექტორის, ნიკა გვარამიასა და მოძრაობა „სახელმწიფო ხალხისთვის“ ლიდერის პაატა ბურჭულაძის სატელეფონო საუბარი გავრცელდა.

ჩანაწერში ისინი პოლიტიკურ პროცესებზე საუბრობენ.

ჩანაწერის ავთენტურობა ამ დროისთვის დადასტურებული არ არის, თუმცა  „რუსთავი 2”-ის გენერალური დირექტორი არ უარყოფს, რომ პაატა ბურჭულაძესთან მსგავსი საუბარი ჰქონდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს