ევროპის საბჭოს საპარლამენტო ასამბლეის წინასაარჩევნო მისიის წევრებს საარჩევნო გარემოსთან დაკავშირებით საკუთარ შენიშვნებს "მრეწველები" აცნობენ.

"მრეწველების" ერთ-ერთი ლიდერის, ზურაბ ტყემალაძის განცხადებით, შეხვედრაზე ისაუბრებენ ცესკო-ს თავმჯდომარის გადაწყვეტილებაზე, რომელიც რეგისტრაციიდან მოხსნას ეხება და, რომელიც პირველი ინსტანციის სასამართლომ ბათილად ცნო.

"როგორც იცით, უპრეცედნეტოდ უსამართლო გადაწყვეტილება მიიღო ცესკო-ს თავმჯდომარემ. საქმე პირველი ინსტანციის სასმართლოში მოვიგეთ. დარწმუნებული ვარ, მეორე ინსტანციაზეც იგივე შედეგი დადგება. ეს გადაწყვეტილება ემსახურება საარჩევნო კამპანიის შეფერხებას, რომ ნერვები ვინმეს უმტყუნებს. არც ნერვები გვიმტყუნებს, ვერც სასამართლოში მოგვიგებს და არჩევნებზეც წავალთ კიდევ ბევრი რამეა თამარ ჟვანიას "დამსახურება" და ამაზე შემდგომ ვილაპარაკებთ. პრობლემა გვაქვს არა ჩვენ, არამედ მათ, ვინც ჩვენს კანდიდატურებზე გარკვეულ ზეწოლას ახორციელებს. უნდათ, რომ კანდიდატურები მოხსნან, მაგრამ არავითარ შემთხვევაში, არ მოხსნიან", - განაცხადა ტყემალაძემ.

მისივე თქმით, ამ თემის გარდა, საუბარი სხვადასხვა რაიონებსა და რეგიონებში არსებულ პრობლემებზეც იქნება. 

"მექნება ქუთაისთან და ქარელთან დაკავშირებით საუბარი. ჩვენს კანდიდატებზე გარკვეული ზეწოლაა, უნდათ ეს კანდიდატები მოხსნან, მაგრამ ვერ მოხსნიან", - განაცხადა ტყემალაძემ.

კითხვაზე ვინ ახორციელებს ზეწოლას, ზურაბ ტყემალაძემ აღნიშნა, რომ ჟურნალისტები ინფორმაციას ეტაპობრივად გაიგებენ.

ცნობისთვის, ფრაქცია "ქართულ ოცნებასთან" შეხვედრის შემდეგ, ევროპის საბჭოს საპარლამენტო ასამბლეის წინასაარჩევნო მისიის წევრებს საარჩევნო გარემოსთან დაკავშირებით საკუთარ შენიშვნებს "მრეწველები" აცნობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები