ავსტრიამ მიგრაციულ საკითხზე სამიტში მონაწილეობის მისაღებას გერმანია, საბერძნეთი და ბალკანეთის ქვეყნები მოიწვია. სამიტი 24 სექტემბერს ვენაში შედგება, - ამის შესახებ სააგენტო Reuters-ის ინფორმაციით, ავსტრიის კანცლერმა კრისტიან კერნმა განაცხადა. 

მედია საშუალების ინფორმაციით, გერმანიის კანცლერის ანგელა მერკელისა და საბერძნეთის პრემიერ-მინისტრის ალექსის ციპრასის გარდა, ვენაში დაგეგმილ ღონისძიებაზე მოწვეული არიან სლოვენიის, ხორვატიის, სერბეთის, ალბანეთის, უნგრეთის, ბულგარეთის, რუმინეთისა და მაკედონიის ლიდერები.

ავსტრიის დედაქალაქში შეხვედრამდე ევროკავშირის ლიდერების არაფორმალური სამიტი გაიმართება ბრატისლავაში. 16 სექტემბერს დაგეგმილ ღონისძიებაზე ევროპელი ლიდერები მიგრაციულ კრიზისთან ერთად Brexit-ის საკითხს განხილავენ. აღსანიშნავია, რომ არაფორმალური სამიტი დიდი ბრიტანეთის გარეშე ჩატარდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს