პრემიერმა ენერგეტიკის მინისტრად ილია ელოშვილი დანიშნა

2016-09-09 18:13:25, 900 ნახვა

პოლიტიკა

პრემიერ-მინისტრმა გიორგი კვირიკაშვილმა კახა კალაძის შემცვლელად ენერგეტიკის მინისტრის პოსტზე ილია ელოშვილი დანიშნა.

ელოშვილი ენერგეტიკის სამინისტროში აქამდე მინისტრის მოადგილედ მუშაობდა.

ცნობისთვის, კალაძე „ქართული ოცნების“ პარტიული სიის მე-2 ნომერი იქნება, კანონმდებლობის მიხედვით კი, პარლამენტის წევრობის კანდიდატად რეგისტრაციის შესახებ განცხადების წარდგენიდან არა უგვიანეს მე-2 დღისა, დაკავებული თანამდებობიდან უნდა გადადგნენ და გათავისუფლდნენ გარკვეული პირები, რომელთა თანამდებობებიც დეპუტატობის კანდიდატობასთან შეუთავსებელია.

შეგახსენებთ, რომ არჩევნებში მონაწილე პარტიებისა და საარჩევნო ბლოკების მიერ საარჩევნო სიის ცესკო-ში წარდგენის ვადა გუშინ ამოიწურა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან