კახა კალაძე თანამდებობის დატოვების შესახებ განცხადებას გააკეთებს

2016-09-09 14:30:13, 759 ნახვა

პოლიტიკა

საქართველოს ენერგეტიკის მინისტრი კახა კალაძე დღეს ბრიფინგს გამართავს.

როგორც „ექსპრესნიუსს“ სამინისტროდან აცნობეს, ბრიფინგი უწყებაში 15:00 საათზე გაიმართება.

კალაძე თანამდებობიდან წასვლის შესახებ გააკეთებს განცხადებას. იგი „ქართული ოცნების“ პარტიული სიის მე-2 ნომერი იქნება, კანონმდებლობის მიხედვით კი, პარლამენტის წევრობის კანდიდატად რეგისტრაციის შესახებ განცხადების წარდგენიდან არა უგვიანეს მე-2 დღისა, დაკავებული თანამდებობიდან უნდა გადადგნენ და გათავისუფლდნენ გარკვეული პირები, რომელთა თანამდებობებიც დეპუტატობის კანდიდატობასთან შეუთავსებელია.

შეგახსენებთ, რომ არჩევნებში მონაწილე პარტიებისა და საარჩევნო ბლოკების მიერ საარჩევნო სიის ცესკო-ში წარდგენის ვადა გუშინ ამოიწურა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან