ექსპერტი პოლიტიკის საკითხებში სოსო ცინცაძე აცხადებს, რომ ნატო-ს დელეგაციის საქართველოში ვიზიტის ერთ-ერთი გზავნილია, რომ ბრიუსელში ხელისუფლებისთვის სასიამოვნო მესიჯები არ მიდის და ჩვენ დემოკრატიული არჩევნების პირობებს არ ვაკმაყოფილებთ.

როგორც ცინცაძემ "ექსპრესნიუსს" განუცხადა, რუსეთის შიშით საქართველოს ნატო-ში ვერ მიიღებენ.

„ბრიუსელის საქმე ისეა, რომ ძვალი არც ეხვრებოდა და არც ეთმობოდაო. რუსეთის შიშით ნატო-ში ვერ გვიღებენ. ელემენტარულად, არ გვღებულობენ. იციან, რომ ამ ყველაფერს რუსეთი მკვეთრი ნაბიჯებით უპასუხებს და დასავლეთს ამ ყველაფრის თავი არ აქვს. ვფიქრობ, ნატო-ს დელეგაციის ჩამოსვლის კიდევ ერთი მიზეზი, არჩევნებია. როგორც ჩანს, ბრიუსელში ხელისუფლებისადმი არც თუ სასიამოვნო ინფორმაცია მიდის. ისინი თვლიან, რომ ჩვენ დემოკრატიული არჩევნების სტანდარტებს ვერ ვაკმაყოფილებთ. როდესაც გეუბნებიან, რომ გამჭირვალე არჩევნები უნდა ჩაატარო, ეს ნიშნავს, რომ შენი ბოლომდე არ სჯერათ. 26 წელია შევეჩვიეთ, რომ ვინც ევროპიდან ჩამოდის ყველა ჭკუას გვარიგებს. სტოლტენბერგი ვერ გაბედავდა, ნატოში შესვლის წინ, ჩეხეთისთვის და უნგრეთისთვის ჭკუის სწავლება დაეწყო“, - განაცხადა ცინცაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა