„პატრიოტთა ალიანსის“ წევრი გოჩა თევდორაძე „ექსპრესნიუსთან“ საუბარში აუდიტის სამსახურის მოთხოვნას ეხმაურება და აცხადებს, რომ ორმა პიროვნებამ პარტიას 40 000 და 51 600 ლარი შესწირეს, ხოლო აუდიტის სამსახურმა ეს ორი ადამიანი ერთ პიროვნებად წარმოაჩინა.

„აუდიტის სამსახურის მიერ გავრცელებული განცხადება „პატრიოტთა ალიანსის“ წინააღმდეგ მიმართული კამპანიაა. აუდიტის სამსახური, როდესაც მსგავს დოკუმენტებს ასაჯაროვებს და ამის შესახებ თავად არ გვაქვს ინფორმაცია, ცხადია, რომ ჩვენს მიმართ დამოკიდებულება ტენდენციურია. ორმა პიროვნებიდან, რომლებიც უბრალოდ, ნათესავები და ერთი ოჯახის წევრები არიან, ერთმა 40 000 ლარი და მეორე 51 600 ლარი შემოწირეს პარტიას. მათ ამის კანიერი უფლება ქონდათ, რადგან ერთ ფიზიკურ პირს წელიწადში პარტიისთვის 60 000 ლარის შემოწირვა შუძლია. აუდიტის სამსაურმა ეს ორი პიროვნება ერთ შემომწირველად წარმოაჩინა და 91 600 ლარი გამოვიდა და „პატრიოტთა ალიანსს“ ორმაგი თანხით აჯარიმებენ. ამ ყყველაფერს სასამართლო გაარკვევს და ობიექტური გადაწყვეტილების მიღების შემდეგ, ჩვენი სიმართლე დამტკიცდება“, - განაცხადა თევდორაძემ.

შეგახსენებთ, რომ სახელმწიფო აუდიტის სამსახური პატრიოტთა ალიანსის 183 200 ლარით დაჯარიმებას ითხოვს.

როგორც აუდიტის სამსახურის დასკვნაშია ათნიშნული, „ალიანსმა“ სამი პირისგან 183 200 ლარიანი შემოწირულობა მიიღო, რის შედეგადაც კანონი დაირღვა.

როგორც ჟურნალისტებს გენერალურმა აუდიტორმა ლაშა თორდიამ განუცხადა, პარტიის მიერ თითოეული მოქალაქისგან მიღებული შემოწირულობების საერთო რაოდენობა წელიწადში 60 ათას ლარს არ უნდა აღემატებოდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის